APOCALIPSIS 6:13 - Dios Rimashcata Quillcashcami

¹³ Shinallatac huaira sinchita cuyuchicpi yuramanta higocuna urmac shinami, jahua pachamanta cai pachaman lucerocunapish urmarca.

Nuevo Testamento en Quichua Cañar 1996

¹³ Ima shinami huaira sinchita cuyuchicpi yuramanta higocuna urman shinami, jahua pachamanta cai allpa pachaman lucerocunaca urmarca.

APOCALIPSIS 6:13 Referans Kwoze

ISAÍAS 34:4

Jahua pachapi tucui tiyaccunami yacuyashpa tucuringa. Jahua pachaca papel shinami pilluringa. Lucerocunaca yuramanta uvas shina, higo yuramanta panga urmac shinami urmanga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

APOCALIPSIS 9:1

Pichcaniqui ángel tocacpica jahua pachamanta cai pachaman shuc lucero urmactami ricurcani. Chai luceromanca jatun jutcuta pascana llavetami curca.

DANIEL 8:10

Jahua pachacaman huiñashpami, chaipi ima tiyaccunatapish, lucerocunatapish, pambaman urmachishpa sarunacurca.

EZEQUIEL 32:7

Can tucurishca quipaca, jahua pachapish amsayangami, lucerocunapish, quillapish mana achicyachingachu. Intitapish puyuhuanmi tapasha.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

NAHÚM 3:12

Can miticuna torrecunaca alli cargashca higo yura shinami canga. Yurata cuyuchicpi, granocuna shimipimi urmac shinami canga.

DANIEL 4:14

Paica sinchita caparishpami: ‘¡Chai yurata tigrachishpa, ramacunata pitichic! ¡Pangacunata anchuchishpa, granotapish shic-huaichic! ¡Chai yura ucupi caccunapish, ramapi causac volac animalcunapish anchurichun!

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

MARCOS 13:25

Lucerocunapish jahuamanta urmangami. Jahua cielopi tiyac jatuncunapish chucchungami.

JOB 15:33

Paica jayac uvas yura shinami chingaringa. Paipac sisacunapish olivos sisa shinami chaquishpa urmanga.