APOCALIPSIS 22:1 - Dios Rimashcata Quillcashcami

¹ Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

Nuevo Testamento en Quichua Cañar 1996

¹ Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.

APOCALIPSIS 22:1 Referans Kwoze

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

ISAÍAS 41:18

Urcucunamantami jatun yacucunata llucchisha. Pugru pambacunapimi yacu junducunata ruhuasha. Shitashca pambacunataca yacu cuchacunata, chaquishca pambacunataca yacucuna llucshicuctami ruhuasha.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

APOCALIPSIS 21:11

Chai puebloca Diospac sumaimana achiclla cashcahuanmi jagan nicurca. Valishca jaspe rumi shina, vidrio shina jagan nicucmi carca.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

APOCALIPSIS 5:13

Shinallatac Dios ruhuashca jahua pachapi caccunapish, cai pachapi caccunapish, allpa ucupi caccunapish, yacu ucupi caccunapish cantashpaca: «Mandashpa tiyarinapi tiyacuctapish, Pactalla Ovejatapish imatapish ruhuaclla cashcamanta, sumaimana cashcamanta, alli nishca cashcamantaca ¡huiñai huiñaitami alli nishca cana can!» nishcatami uyarcani.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

APOCALIPSIS 5:6

Chai ishcai chunga chuscu yuyaccunapac, shinallatac chuscu causaita chariccunapac chaupipi cac mandashpa tiyarina cuchupica, huañuchishca shina shuc Pactalla Oveja shayacuctami ricurcani. Chai Ovejaca canchis gachuyuc, shinallatac canchis ñahui muruyucmi carca. Chai canchis ñahui murucunaca, cai pachaman cachashca Diospac canchis Espiritucunami can.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

APOCALIPSIS 21:9

Chai quipaca canchis tucurina llaquicunata copapi charicuc, chai canchis angelcunapuramanta shuc ángel shamushpami ñucataca: «Shamui, Pactalla Ovejapac huarmi cana novia allichishcata ricuchisha» nirca.

APOCALIPSIS 22:6

Chai quipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.

SAN JUAN 13:32

Dios ñucamanta jatunyachishca cashpaca, Runa Tucungapac shamushca ñucatapish jatunyachingami. Chaitaca utcami ruhuanga.