APOCALIPSIS 21:12 - Dios Rimashcata Quillcashcami

¹² Chai pueblo muyundictaca jahuacaman jarcashca, chunga ishcai pungutami charirca. Tucui chai pungucunapimi shuc ángel carca. Shinallatac pungucunapica Israelpac chunga ishcai aillucunamanta shuc aillupac shutita quillcashcami carca.

Nuevo Testamento en Quichua Cañar 1996

¹² Chai pueblo muyundictaca jahuacaman jarcashcami carca. Chunga ishcai pungutami charirca. Tucui chai pungucunapimi shuc ángel carca. Shinallatac chai pungucunapica Israelpac*f** chunga ishcai aillucunamanta shuc aillupac shutita quillcashcami carca.

APOCALIPSIS 21:12 Referans Kwoze

APOCALIPSIS 21:25

Chai pueblopi tuta mana tiyacpi punzhalla cacpimi, pungucunapish jaicapi mana huichcaringa.

ISAÍAS 54:12

Cambac pircacunataca sumac rumicunahuan, pungucunataca berilo rumicunahuanmi ruhuasha. Muyundi jatun pircataca sumac rumicunahuanmi shayachisha.

SALMOS 122:7

Cambac muyundi jatun pirca ucupipish, cambac chaupipi cac mandana huasicunapipish cushilla causai tiyachun» nichicyari.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

NEHEMÍAS 12:27

Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

HECHOS 26:7

Chai cusha nishcatami ñucanchic chunga ishcai Israel aillucunaca tutapish, punzhapish Diosta alli nishpa shuyacuncuna. Jatun mandac Agripalla, chai cusha nishcata crishpa shuyacushcamantami israelcunaca ñucataca juchanchicun.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

SAN LUCAS 16:22

Huaccha runa ña huañucpica, angelcunami jahua pachapi causacuc Abrahampac cuchuman aparca. Shinallatac chayuc runa huañucpica, enterrarcami.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

ÉXODO 28:21

Chai rumicunaca Israelpac huahuacunatami ricuchicunga. Chai rumicunaca Israelpac aillucuna shinallatacmi chunga ishcai rumi canga. Tucui rumicunami Israel aillucunapac shutiyuc, selloyuc canga.

APOCALIPSIS 21:13

Quimsa punguca inti llucshic ladoman, quimsa punguca inti yaicuc ladoman, quimsa punguca ura ladoman, cutin quimsa punguca jahua ladomanmi carca.

APOCALIPSIS 21:15

Ñucahuan parlanacuc angelca pueblotapish, pungucunatapish, muyundi jarcashcatapish medina curi varatami charicurca.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

2 CRÓNICAS 9:19

Chai sucta gradapipish chunga ishcai leoncunatami tucui gradapi ishcai ladoman shuc shucta churashca carca. Chashna tiyarina shinataca maijan mandana llactapipish, jaicapi mana ruhuashcachu carca.