APOCALIPSIS 21:10 - Dios Rimashcata Quillcashcami

¹⁰ Diospac Espíritu ñucata japicpimi chai angelca shuc jatun urcu jahuaman pushashpa, jahua pacha Diospac ñaupamanta Diospaclla cac Jerusalén pueblo urai shamucucta ricuchirca.

Nuevo Testamento en Quichua Cañar 1996

¹⁰ Diospac Espíritu ñucata japicpimi chai ángel shuc jatun urcu jahuaman pushashpa, jahua pacha Diospac ñaupamanta Diospaclla cac Jerusalén pueblo urai shamucucta ricuchirca.

APOCALIPSIS 21:10 Referans Kwoze

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.

EZEQUIEL 11:24

Chai quipa, Mandac Diospac Espiritumi ñucataca muscuipi shina cutinllatac prezu apashca gentecuna causacuc caldeocunapac llactaman pusharca. Chai quipaca ña mana muscuipi shinataca ricurcanichu.

APOCALIPSIS 17:3

Chai quipaca Diospac Espíritu ñucata japicpi shitashca pambaman ángel pushacpimi, shuc huarmi chai manchana puca animalpi montashca tiyacucta ricurcani. Chai animalca canchis umayuc, chunga gachuyuc, shinallatac cuerpopica Diosta camishpa quillcashcami carca.

APOCALIPSIS 1:10

Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca:

HECHOS 8:39

Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca.

EZEQUIEL 11:1

Diospac Espiritumi Diospac huasi inti llucshina ladoman cac punguman aparca. Chai pungu yaicunapica ishcai chunga pichca runacuna shayacuctami ricurcani. Chai runacunapurapica Azurpac churi Jaazaniasta, Benaiaspac churi Pelatiastami ricurcani. Paicunaca pueblopi causaccunata mandacmi carca.

EZEQUIEL 8:3

Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

APOCALIPSIS 4:2

Shina nincami ñucata Diospac Espíritu japicpi, jahua pachapi jatun mandac mandashpa tiyarinapi shuc mandac tiyacucta ricurcani.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

2 REYES 2:16

Chashna cumurishpaca: —Riqui, caipimi canta servic pichca chunga alli sinchi runacunaca shayacun. Paicunata canta mandac Eliasta mashcachun cachai. Eliastaca, Mandac Diospac Espirituca mai urcucunapi, mana cashpaca mai pambacunapimi shitashca canga— nircacuna. Shina nicpimi Eliseoca: —Ama pita cachaichicchu— nirca.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.