APOCALIPSIS 2:10 - Dios Rimashcata Quillcashcami

¹⁰ Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

Nuevo Testamento en Quichua Cañar 1996

¹⁰ Cancunataca llaquicuna japigricunmi. Shina cacpipish ama manchanguichicchu. Chashnaca ‘¿crishpa c'atinchu, imami?’ nishpami, maijan cancunataca diabloca carcelpi churachinga. Chaipica chunga punzhatami llaquita apanguichic. Shina cacpipish huañungacaman ñucata c'atinguichiclla. Chashna c'aticpimi, huiñai causaita ricuchic coronata cusha.

APOCALIPSIS 2:10 Referans Kwoze

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

MARCOS 13:13

Ñucamantami tucuipac piñashca canguichic. Chashna piñacpipish, tucuringacaman llaquita apacca quishpiringami.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.

SAN MATEO 24:13

Chaica, pipish tucuricaman llaquicunata apactaca quishpiringami.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 CORINTIOS 9:25

Callpangapac allichiriccunaca chingariclla coronata japingapacmi allichirincuna. Ñucanchiccarin mana chingaric coronata japingapacmi, chashna allichiricunchic.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

DANIEL 1:14

Chashna nishcata uyashpami, chunga punzhata chashna carashpa ricurca.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

SAN JUAN 12:25

Maijanpish quiquin causaita cuyacca chingaringami. Ashtahuanpish maijanpish quiquin causaita cai pachapi mana cuyacca huiñaitami causanga.

SAN LUCAS 21:12

Manarac caicuna tucucpimi, ñucata caticushcamantaca piñashpa prezunga. Cancunata juchanchishpami, tandanacuna huasicunaman apanga. Carcelpipish churangacunami. Llactacunata jatun mandaccunapacmanpish, quiquin llactata mandaccunapacmanpish apangami.

MARCOS 8:35

Maijanpish quiquin causaita llaquicca chingaringami. Maijanpish alli huillaita cazushcamanta quiquin causaita chingachicca quishpiringami.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

DANIEL 1:12

—Canta serviccunataca chunga punzhacaman yacullata, verdura micunallata carangui.

APOCALIPSIS 13:2

Chai ñuca ricushca manchana animalca leopardoman ricchami carca. Chaquica osopac chaqui shina, shimica leonpac shimi shinami carca. Dragonmi pai shina mandashpa tiyarinatapish, poderyuc canatapish, shinallatac mandanatapish chai manchana animalman curca.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

SAN JUAN 13:27

Judas tandata japincami, Satanasca paipac shungupi yaicurca. Chaimantami Jesusca: —Can imata ruhuagricushcataca utca ruhuailla— nirca.

SALMOS 31:23

Mandac Diospaclla caccuna paita cuyaichic. Mandac Diosca paita cazuccunataca cuidanmi. Ashtahuanpish jatun tucushcacunataca yallihuanmi llaquichinga.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

LAMENTACIONES 3:57

Canta ñuca mañacuc punzhaca ñucapacman cuchuyashpami: «¡Ama manchaichu!» nircangui.