APOCALIPSIS 19:8 - Dios Rimashcata Quillcashcami

⁸ Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

Nuevo Testamento en Quichua Cañar 1996

⁸ Pactalla Ovejapac huarmimanca tucuimanta yalli valishca chuyanlla jagan nicuc linotami churachishca— nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 19:8 Referans Kwoze

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

APOCALIPSIS 3:18

Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

MARCOS 9:3

Churashcapish yuranlla, jagan nicucmi tucurca. Cai pachapica pipish mana chashna yuranllata tacshanchu.

SAN MATEO 22:12

Chaita ricushpaca: “Uyai, ¿ima nishpatac boda churanata mana churarishca caipica cangui?” nirca. Chashna nicpica, chai runaca upallami carca.

SALMOS 132:9

Cambac curacunaca cashcata ruhuanata churarishca shina cachun. Cambaclla caccunaca yallita cushicuchun.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

EZEQUIEL 16:10

Sumac churanata churachishpami, chaquipipish tejón caramanta ruhuashca ushutata churachircani. Linomanta, sedamanta ruhuashca churanatami churachircani.

HECHOS 1:10

Jesús huichai ricucta paicuna ricuracucpimi, ñapish ishcai yuranlla churarishca runacuna paicunapac cuchupi ricurirca.

SAN LUCAS 24:4

Paicuna chaita ricushpa, manchaihuan shayacucpimi, jagan nicuc yuranlla churashca ishcai runacuna paicunapac ñaupapi ricurirca.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

PROVERBIOS 31:22

Pullucunatapish paillatacmi ruhuan. Paipac churanacunapish ashtahuan alli linota ahuashca yana puca churanami.

EZEQUIEL 44:17

Ñuca huasi ucu pambamanca lino churanata churashcami yaicunga. Ñucapaclla huasi ucupi servingapac yaicushpaca, millma churanataca, mana churarinachu can.

APOCALIPSIS 15:6

Chai Diosta mañana huasimantaca, canchis angelcunami canchis llaquicunata apashca llucshirca. Paicunaca linomanta ruhuashca jagan nicuc churanata churashca, shinallatac pechopica curimanta ruhuashca chumbita churashcami carca.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

ISAÍAS 3:23

espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.