APOCALIPSIS 18:6 - Dios Rimashcata Quillcashcami

⁶ ¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

Nuevo Testamento en Quichua Cañar 1996

⁶ ¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

APOCALIPSIS 18:6 Referans Kwoze

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

SALMOS 137:8

Chingarina Babilonialla, ¡ñucanchicta llaquichishcamanta chai shinallatac llaquichicca alli nishca cachun!

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Cai pachapi tiyac tucui pueblocunapish tuñirircami. Chai jatun Babilonia pueblotaca jayac vinota ubiachic shina piñaihuan llaquichingapacmi, Diosca yuyarirca.

APOCALIPSIS 14:10

Diosmanta shamuc jatun llaquitami imahuan mana chagrushca vinota vasopi tallishpa ubiac shina Diospac piñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.

JEREMÍAS 51:24

Babilonia llactapi causaccunatapish, Caldea runacunatapish, Sionta llaquichishcamantaca cancunapac ñaupapimi llaquichigrini» ninmi

APOCALIPSIS 17:4

Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

ZACARÍAS 9:12

Prezumanta cutina yuyailla caccucunalla, muyundita pircashcaman cutimuichicyari. Cunanca, cancuna yallita llaquita apashcamantaca chaupihuan yalli allicunata cancunaman cunatami huillacuni.

JEREMÍAS 17:18

Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

2 TIMOTEO 4:14

Fierrocunata allichishpa causac Alejandroca ñucata mana allita ruhuashpami llaquichirca. Pai chashna ruhuashcamantaca, Diosmi paitapish llaquichinga.

JEREMÍAS 51:49

Babilonia llactaca tucui cai pachapi causaccunata llaquichishcamantami tucurca. Chai llactapi causaccunaca israelcunata huañuchishcamantami huañushpa tucuringa» ninmi.

APOCALIPSIS 17:2

Chai huarmihuanmi cai pachapi tiyac jatun mandaccunaca huainayarca. Tucui llacta gentecunapish paihuanmi vinota ubiashpa machac shina huacllirircacuna» nirca.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

SALMOS 28:4

Paicuna ruhuashca shinallatac llaquichiyari. Paicuna millaita ruhuashcamantaca chashnallatac llaquichiyari. Paicunapac maquihuan imata ruhuashca shinallatac llaquichiyari.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

LAMENTACIONES 3:64

Mandac Dioslla, paicuna ima mana allita ruhuashca shinallatac llaquichiyari.