APOCALIPSIS 18:1 - Dios Rimashcata Quillcashcami

¹ Chai quipaca mai poderta charic, shuc ángel jahua pachamanta urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.

Nuevo Testamento en Quichua Cañar 1996

¹ Chai q'uipaca imatapish ruhuaclla cashcahuan, jahua pachamanta shuc ángel urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.

APOCALIPSIS 18:1 Referans Kwoze

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

SAN LUCAS 17:24

Chaica, Runa Tucungapac shamushca ñuca cutimuna punzhaca, relampa jaguin nishpa tucui cai pachata achicyachic shinami canga.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

APOCALIPSIS 17:7

Chashna mancharicpimi angelca: «¿Ima nishpatac yallita mancharingui? Chai huarmipi quillcashca imata nisha nicushcatapish, chai manchana animal canchis umayuc, chunga gachuyuc imata nisha nicushcatapish ñami huillagrini.