APOCALIPSIS 13:5 - Dios Rimashcata Quillcashcami

⁵ Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.

Nuevo Testamento en Quichua Cañar 1996

⁵ Chai manchana animalca Dios shina tucushpa “allimari cani” nishpa Diosta rimachunpish, shinallatac chuscu chunga ishcai quillata mandachunpish, Taita Diosca saquircami.

APOCALIPSIS 13:5 Referans Kwoze

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 7:8

Chai gachucunata ricucucllapitacmi chai gachucuna chaupipica shuc uchilla gachu huiñashpa ricurirca. Chai uchilla gachupac ladomantami caishuc gachucunapuramanta quimsa gachuta anchuchirca. Chai uchilla gachuca gentecunapac ñahui shinami carca. Shinallatac millaita rimaric shimitapish charircami.

APOCALIPSIS 12:6

Chai huarmica shitashca pamba, Dios allichishcapi huaranga ishcai pasac sucta chunga punzhacaman Dios carashcata micushpa cangapacmi miticushpa rirca.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 7:11

Shinallatac gachuca millai rimaicunatami rimacurca. Chai manchaipac animalta huañuchishpa, cuerpota polvoshpa ninapi shitactapish ricurcanimi.

APOCALIPSIS 12:14

Ashtahuanpish chai huarmimanca culebramanta caruyashpa, shitashca pambapi causagrichunmi, aguilapac ishcai alasta volashpa richun curcacuna. Chaipimi quimsa huata chaupita Dios cushcata micushpa causacurca.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

DANIEL 7:20

Shinallatac umapi tiyac chunga gachucuna, shinallatac chai quimsa urmashca gachucunapac ladopi huiñashca gachu imata nisha nicushcatapish yachasha nircanimi. Chai gachuca ñahuicunayuc, millai rimaicunata rimac shimiyucmi carca. Chai gachuca caishuc gachucunata yallimi carca.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

APOCALIPSIS 11:7

Tucuita huillashca quipaca, manchaipac animal jatun jutcumanta llucshishpami, paicunahuan macanacushpa, atishpa huañuchinga.

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

DANIEL 8:14

Chashna tapucpimi caishuc angelcunaca: “Ishcai huaranga quimsa patsac chishicunata, tutamantacunatami chashna canga” nirca.

DANIEL 12:12

¡Maijanpish huaranga quimsa patsac quimsa chunga punzhata shuyacca yallita cushicuchun!

2 TESALONICENSES 2:3

¡Ima shinapish pi pandachichun ama saquinguichicchu! Chai punzha manarac chayamucpimi, Diosta piñaccunapish achca ricuringa, shinallatac llaquiman ric juchata ruhuac runapish ricuringa.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

EZEQUIEL 35:13

Canca ñucata piñashpami, yallita rimarircangui. ¡Chaitaca ñucallatacmi uyarcani!