APOCALIPSIS 12:9 - Dios Rimashcata Quillcashcami

⁹ Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

Nuevo Testamento en Quichua Cañar 1996

⁹ Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

APOCALIPSIS 12:9 Referans Kwoze

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN JUAN 12:31

Cunanmi cai pachapi causaccunaca taripashca canga. Cunanmi cai pachata mandactapish llucchishpa shitashca canga.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

GÉNESIS 3:1

Mandac Dios ruhuashca animalcunamantaca culebrami yalli yuyaisapa carca. Chai animalmi Evataca: —Shinaca, ¿Dioschu huertapi tiyac yuracunamantaca ama micunguichu?— nirca.

APOCALIPSIS 12:7

Chai quipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ISAÍAS 65:25

Atucca ovejahuan ishcai tucushpami puringa. Leonca huagra shinami quihuata micunga. Culebraca allpatami micunga. Ñucapaclla tucui urcupica llaquichicpish, millaita ruhuacpish mana tiyangachu» ninmi.

APOCALIPSIS 20:8

Paimi gentecunaman llullashpa crichingapac, tucui cai pachapi tiyac llactacunata puringa. Shinami Gog nishca, Magog nishca soldadocunatapish macanacungapac tandachinga. Chai soldadocunaca mama cuchapi tiyac tiyu shinami can.

APOCALIPSIS 12:3

Chai quipaca cutinllatacmi cielopica shuc jatun mancharina ricurirca. Shuc jatun puca dragón animalmi canchis umayuc, chunga gachuyuc, umacunapi corona apashca ricurirca.

APOCALIPSIS 9:1

Pichcaniqui ángel tocacpica jahua pachamanta cai pachaman shuc lucero urmactami ricurcani. Chai luceromanca jatun jutcuta pascana llavetami curca.

APOCALIPSIS 2:24

Tiatira pueblopi causac criccunamanta maijancuna pai yachachishcata mana catishcamanta, Satanaspac jatunta yachanami nishcatapish mana yachacunata munashcamantaca, ima ashtahuan ruhuanataca mana mandanichu.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

2 CORINTIOS 11:14

Caicunata ricushpaca, mana mancharinachu. Satanasllatacmi achic nicuc ángel shina tucunlla.

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

SAN LUCAS 22:3

Chashna cacpimi, Jesuspac chunga ishcai yachacuccunapuramanta Judas Iscariotepac shungupi Satanasca yaicurca.

SAN LUCAS 8:12

Ñanpi urmashca muyuca uyaccunami. Shina uyacpipish, paicuna crishpa ama quishpirichunmi, Satanás shamushpa cungachin.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN MATEO 4:8

Diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

SAN MATEO 4:5

Chaimantaca diabloca, Diospaclla Jerusalén puebloman Jesusta pushashpa, Diosta mañana huasi jahuapi

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

GÉNESIS 3:13

Shina nicpimi, Mandac Diosca huarmitaca: —¿Imatatac ruhuarcangui?— nirca. Chaimantami huarmica: —Culebramari umarca, chaimantami micurcani— nirca.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui poderta charic Diospac jatun macanacuna punzhapi macanacungapac tandachigrirca.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.

SAN JUDAS 1:9

Angelcunata jatun mandac ángel Miguelpish, diablohuan Moisespac huañushca cuerpota quichunacushpa piñanacushpapish, diablotaca mana millaita rimarcachu, ashtahuanpish “Diosllatac llaquichichun” nircami.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhanta ashtahuan ashtahuan mana allipi catishpami ashtahuan pandachishpa, paicunapish pandaringacuna.

1 TIMOTEO 2:14

Shinallatac mana Adanchu pandachishcaca carca, ashtahuanpish Evami diablo pandachicpi, Dios mandashcata mana cazushpa juchapi urmarca.

2 TESALONICENSES 2:3

¡Ima shinapish pi pandachichun ama saquinguichicchu! Chai punzha manarac chayamucpimi, Diosta piñaccunapish achca ricuringa, shinallatac llaquiman ric juchata ruhuac runapish ricuringa.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

SAN JUAN 16:11

Cai pachata mandacta Dios ña juchanchishca cashcamantami, imami taripana cashcataca ricuchinga.

SAN JUAN 14:30

Mana ashtahuan cancunahuan parlacushallachu. Chaica, ñami cai pachata mandac shamucun. Paica ñucata mana ati pudinchu.

SAN LUCAS 13:16

Cai huarmica Abrahampac huahua huahuapurami. Paitaca Satanasmi chunga pusac huatata unguchishpa charicushca. Paitaca, ¿manachu samana punzha cacpipish, ungüimanta cacharichina cani?— nirca.

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

SAN MATEO 13:39

Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami.

1 CRÓNICAS 21:1

Satanasca israelcunata piñashpami Davidmanca israelcunata yupana yuyaita curca.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

EZEQUIEL 28:16

Yallita catushpa, randishpa causashpami yalli mana allita ruhuashpa juchallircangui. Cuidac querubinmi cantaca Mandac Dios ñucapaclla urcumantapish, nina rupacuc rumi chaupimantapish anchuchirca.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

APOCALIPSIS 12:8

Shina cashpapish paicunaca mana misharcachu, jahua pachapipish ña mana causanata charircachu.

APOCALIPSIS 12:12

¡Jahua pachapi causaccuna cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita piñarishpa jahua pachamanta cancunapacman urai rirca» nictami uyarcani.

2 CRÓNICAS 18:21

Shina nicpimi, chai espirituca: “Ñuca rishpaca paipac tucui huillaccunapimi, llullashpa huillana yuyaita churasha” nirca. Shina nicpimi, Mandac Diosca: “Canca umai pudinguimi. Can nishca shinata ruhuangapac rilla” nirca.