APOCALIPSIS 12:12 - Dios Rimashcata Quillcashcami

¹² ¡Jahua pachapi causaccuna cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita piñarishpa jahua pachamanta cancunapacman urai rirca» nictami uyarcani.

Nuevo Testamento en Quichua Cañar 1996

¹² ¡Jahua pachapi causaccunaca cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita p'iñarishpa jahua pachamanta cancunapacman shamushca— nictami uyarcani.

APOCALIPSIS 12:12 Referans Kwoze

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 10:6

jahua pachatapish, cai pachatapish, mama cuchatapish, tucui chaipi ima tiyaccunatapish ruhuacpac, huiñaita causacpac shutipimi: «Cunanca shuyana punzhacunaca ña mana tiyangachu.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

APOCALIPSIS 9:12

Punta llaquica ña tucurinmi. Shina cashpapish ishcaica tiyanracmi.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

APOCALIPSIS 11:14

Ishcainiqui llaquica tucurinmi. Shina cacpipish, quimsaniqui llaquica ñallami chayamugrin.

2 PEDRO 3:8

Cuyashca criccuna, Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.

HEBREOS 10:37

Dios quillcachishcapica: «Shamucca ñallami shamunga, mana unaiyangachu.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:6

Shina cucpimi Diostapish piñashpa, paipac huasitapish, shinallatac jahua pachapi causaccunatapish mana alli nishpa mapata rimarca.