APOCALIPSIS 11:6 - Dios Rimashcata Quillcashcami

⁶ Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.

Nuevo Testamento en Quichua Cañar 1996

⁶ Chai ishcai huillaccunaca paicuna Diosmanta huillacui punzhacuna ama tamiachun jarcac canatapish charincunami. Shinallatac yacucunata yahuarman tigrachic canatapish, allpa pachapi ima tiyashcatapish tucui laya llaquicunahuan paicuna munashca shina llaquichic canatapish charincunami.

APOCALIPSIS 11:6 Referans Kwoze

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 SAMUEL 4:8

¡Aij ñucanchiclla! ¿Chai Diospac sinchi maquimantaca pitac cacharichingayari? Chai Diosmi Egiptopi causaccunataca shitashca pambapi tauca plagacunahuan llaquichirca.

APOCALIPSIS 8:8

Ishcainiqui ángel tocacpica, mama cucha yacumanmi shuc jatun urcu rupacuc shina urmarca. Shina urmacpica, mama cucha yacuca quimsapi chaupishcamanta shuc partemi yahuar tucurca.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

APOCALIPSIS 16:3

Ishcainiqui ángel rishpaca, pai charicushca copataca mama cucha yacupimi tallirca. Chaipi tallicpica, yahuar llucshic shina, chai yacu yahuar tucucpimi, tucui chai yacupi causac animalcuna huañurca.

APOCALIPSIS 16:4

Quimsaniqui ángel rishpaca, tucyac yacupi shinallatac callpac yacupimi pai charicushca copata tallirca. Shina tallicpica, chai yacuca yahuarmi tucurca.