APOCALIPSIS 10:10 - Dios Rimashcata Quillcashcami

¹⁰ Shina nicpimi, angelpac maquimanta uchilla pangata japishpa micurcani. Chaica ñuca shimipica abeja mishqui shina mishquimi carca. Ashtahuanpish micushca quipaca, ñuca huicsapica jayacmi tucurca.

Nuevo Testamento en Quichua Cañar 1996

¹⁰ Shina nicpi angelpac maquimanta uchilla quillcashca p'angata japishpaca, micurcanimi. Shina micucpica, ñuca shimipica bunga mishqui shina mishquimi carca. Ashtahuanpish micushca q'uipaca, ñuca huicsapica jayacmi tucurca.

APOCALIPSIS 10:10 Referans Kwoze

EZEQUIEL 3:3

Chaimantaca: «Huañunalla runa, canman cushca cai pillushca quillcata micushpa, cambac huicsapi jundachi» nirca. Chaita micucpica, ñuca shimipica abeja mishqui shinami, mishqui carca.

PROVERBIOS 16:24

Sumacta rimashcaca bunga mishqui shinami. Almatapish cushichic, cuerpopacpish jambic shinami.

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

SALMOS 19:10

Sumaimana curitapish yalli munanami. Ashtahuan alli bunga mishquitapish yalli mishquimi.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

EZEQUIEL 2:10

Chai quillcataca ñuca ñaupapimi pascarca. Chai quillcaca ñaupamanpish, huashamanpish quillcashcami carca. Chaipica yallita llaquipi cantana cantota quillcashcami carca.

APOCALIPSIS 10:9

Ñuca rishpa, chai pillushca pangata mañagricpica: «Japi, micui. Cambac shimipica abeja mishqui shina mishquimi canga. Cambac huicsapica jayacmi tucunga» nirca.

APOCALIPSIS 10:11

Chaita micushca quipaca: «Tauca pueblocunapish, llactacunapish, shuctac shuctac rimaita rimaccunapish, shinallatac jatun mandaccunapish ima tucuna cashcataca cutinmi huillana cangui» nirca.