APOCALIPSIS 10:1 - Dios Rimashcata Quillcashcami

¹ Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

Nuevo Testamento en Quichua Cañar 1996

¹ Chai q'uipaca imatapish ruhuaclla ángel jahua pachamanta p'uyupi pillurishpa shamucuctami ricurcani. Paica umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 10:1 Referans Kwoze

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

EZEQUIEL 1:28

Tamya punzhacunapi cuichi puyupi ricuric shinami muyundi sumaimana achicta ricurcani. Mandac Dios sumac cashcami muscuipi shina ricurirca. Chaita ricushpaca, allpacaman cumurircanimi. Chaipica shuc rimashcatami cungailla uyarcani.

APOCALIPSIS 5:2

Chai quipaca mai poderta charic shuc angeltami ricurcani. Paica sinchita caparishpaca: «¿Maijantac cai sellota anchuchishpa, pillushca pangata pascaipac canguichic?» nirca.

DANIEL 10:6

Paipac cuerpoca topacio rumi shina, ñahuica punzha shina achicllami carca. Paipac ishcai ñahuicunaca luz japiricuc shinami carca. Cutin rigrapish, changapish llambuclla bronce shinami carca. Pai rimashcaca, achca gentecuna rimanacushca shinami uyarirca.

APOCALIPSIS 4:3

Chaipi tiyacucca jaspe rumi shina, cornalina rumi shina jagan nicucmi carca. Cutin chai muyundictaca esmeralda rumi shina jagan nicuc cuichimi ricurirca.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.

SALMOS 104:3

Can causana huasitaca yacucuna jahuapimi churashcangui. Puyupimi carretapi shina puringui. Huaira jahuatami puringui.

SALMOS 97:2

Amsa puyupish muyundipimi tiyacun. Paipac mandana callari rumi shinaca cashcata ruhuana, allita ruhuanami.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

HECHOS 26:13

Jatun mandac Agripalla, chaupi punzhata ñanta ricucpimi, ñucapac, ñucahuan riccunapac muyundita jahua pachamanta achicyachirca. Chai achicca intitapish yallimi carca.

SAN LUCAS 21:27

Chashna tucucpica, Runa Tucungapac shamushca ñuca poderhuan, sumaimana achiclla cashcahuan achicyachishpa, puyupi shamucuctami ricunga.

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

LAMENTACIONES 3:44

Ñucanchic mañashcata mana uyangapacmi puyuhuan taparircangui.

ISAÍAS 54:9

Noé causai punzhacunapi “cai pachataca cutinca yacuhuanca mana tucuchishachu” nishpami ari nircani. Chai shinallatacmi “cutin piñarishpa, mana rimarisha” nishpami, ari nircani.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

CANTARES 5:15

Paipac changacunaca curi basapi mármol pilarcunata shayachishca shinami. Paica Líbano urcu shina jatunmi. Chai urcupi tiyac tucuita yalli cedro yuracuna shina sumacmi.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

ÉXODO 16:10

Tucui tandanacushca israelcunata Aarón rimacucpimi, paicunaca shitashca pambata chaparca. Chaipica Mandac Diospac sumaimana achicmi puyupi cungailla ricurirca.

APOCALIPSIS 18:1

Chai quipaca mai poderta charic, shuc ángel jahua pachamanta urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.

APOCALIPSIS 20:1

Chai quipaca jahua pachamanta shuc ángel jatun jutcuta llavina llaveta jatun cadenandi paipac maquipi apashpa urai shamucuctami ricurcani.