AMÓS 9:7 - Dios Rimashcata Quillcashcami

⁷ Mandac Diosca: «Israelcunalla, cancunaca ñuca ñaupapica, ¿manachu Etiopía llactapi causaccuna shina canguichic? ¿Manachu cancunataca Egiptomanta llucchimurcani? ¿Manachu filisteocunataca Caftor llactamanta, cutin arameocunataca Quir llactamanta llucchimurcani?» ninmi.

AMÓS 9:7 Referans Kwoze

JEREMÍAS 47:4

Filisteocunatapish, paicunata ayudac Tiro, Sidón llactacunatapish tucuchina punzhami chayamushca. Mama cucha chaupipi tiyac Caftor llactamanta chaupirishpa shamushca filisteocunataca Mandac Diosmi tucuchinga.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

DEUTERONOMIO 2:23

Shinallatac Gazapi tiyac uchilla llactacunapi causac aveocunataca Caftor llactamanta caftoreocuna shamushpami tucui tucuchishpa, chaipi causai callarircacuna).

AMÓS 2:10

Ñucami cancunataca Egiptomanta llucchishpa, amorreocuna causana llactata cungapac, shitashca pambata chuscu chunga huatacunata pushamurcani.

AMÓS 1:5

Damasco pungu aldabacunatapish paquishami. Avén pambapi causaccunatapish, Bet-edén llactata mandaccunatapish tucuchishami. Siria llactapi causaccunataca Kir llactamanmi prezu apanga» ninmi.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.

JEREMÍAS 13:23

¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

ISAÍAS 22:6

Elam llactamantaca flechacunata huacaichinata apashpami, caballocunapi, carretacunapi huichai rirca. Kir llactamanta soldadocunaca escudocunatami llucchirca.

ISAÍAS 20:4

Chashnami Asiria llactata jatun mandacca Egipto llactapi, Etiopía llactapi causac quipa huiñaicunatapish, yuyaccunatapish churana illac, lluchu chaquillata prezu apanga. Egiptopi causaccuna pingai tucuchunmi, lluchu siquillata apanga.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

2 CRÓNICAS 14:9

Paicunahuan macanacungapacmi Etiopía llactata mandac Zeraca shuc junu soldadocunahuan, quimsa patsac carretacunahuan Maresa puebloman llucshimurca.

2 CRÓNICAS 14:12

Shina mañacpimi, Mandac Diosca Asapac ñaupapi, Judapac ñaupapi Etiopía soldadocunataca llaquichirca. Chaimantami paicunaca miticushpa callparca.