AMÓS 9:4 - Dios Rimashcata Quillcashcami

⁴ Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

AMÓS 9:4 Referans Kwoze

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

JEREMÍAS 44:11

Chaimantami israelcunapac tucuita Mandac Diosca: Cancunata yallita llaquichinata, Judá llactapi causaccunata tucuchinatami yuyarircani.

JEREMÍAS 21:10

Ñucaca cai llactataca allita ruhuanapac randica, llaquichinatami yuyarircani. Babilonia llactata jatun mandacpac maquipimi churagrini. Paimi rupachishpa tucuchinga” ninmi.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

LEVÍTICO 17:10

Israelcunapuramanta, mana cashpaca shuctac llactamanta cancunapurapi causacpuramanta yahuarta micucpica, mana ricunayachishpami israelcunapuramanta anchuchisha.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

JEREMÍAS 39:16

«Ebedmelecpacman rishpa, israelcunapac tucuita Mandac Diosca: “Ñuca rimashcata pactachishpami, cai llactapi causaccunaman allita ruhuanapac randica llaquichigrini. Chai llaqui punzhacunataca quiquin ñahuihuantacmi ricugringui.

JEREMÍAS 24:6

Paicunata cuidashpami, cai llactaman cutin cutichimusha. Chashna cutichimushpaca, mana cutin llaquichishachu. Ñuca tarpushca shina yuracunataca mana cutin sapindi llucchishachu.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

AMÓS 9:8

Mandac Diosca: «Juchayuc llactataca piñacunimi. Chaimantami cai llactapi causaccunataca llaquinayaita llaquichishpa tucuchisha. Shina llaquichishpapish, Jacobopac huahua huahuacunataca mana tucui tucuchishachu.

ZACARÍAS 8:10

Manarac chai punzhacuna chayacpica, runacuna trabajashcamanpish mana pagarcachu, animalcunamanpish mana cararcachu. Piñaccunata manchashcamantami runacunaca maiman cushilla llucshinatapish, yaicunatapish mana pudirca. Ñucami gentecunapura llaquichinacuchun saquircani.

GÉNESIS 44:21

Shina nicpi, canta servicca ñucanchictaca: “Paita ricsingapac pushamugrichic” nircanguimi.

ÉXODO 14:24

Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

JEREMÍAS 39:12

«Jeremiasta allita cuidangui. Paitaca ama llaquichinguichu. Pai imata mañashcata ruhuangui» nishca carca.