AMÓS 9:2 - Dios Rimashcata Quillcashcami

² Seolcaman jutcushpa miticucpipish, chaimantami ñuca maquihuan llucchisha. Jahua pachaman huichai ricpipish, chaimantami uricuchisha.

AMÓS 9:2 Referans Kwoze

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.

ABDÍAS 1:4

Anga shina jahuaman vola rishpa, lucerocuna chaupipi cuzhata ruhuacpipish, chaimantami urmachisha. Chaitaca Mandac Dios ñucami nini.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

JEREMÍAS 49:16

Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

JOB 26:6

Diospac ñaupapica Seolpish pascashcami. Abadonpish imahuan mana jarcashcachu can.

JOB 20:6

Jahua pachaman chayacta jatun tucushca cashpapish, paipac umahuan puyupi tupacushpapish,

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

EZEQUIEL 26:20

Shinami huañushcacunahuan pacta ucuman cachasha. Ñaupa huata gentecunahuan pactami enterrashca cangui. Ñaupa punzhacunapi enterrashca shinami, allpa ucupi cangui. Chashna ruhuacpimi, cai allpapica pipish ña mana causanga.

EZEQUIEL 31:14

Chaica, ima yurapish mashnata parcushca cashpapish ama yalli jatun tucuchun, yura ñahuipish shuctac yuracunata ama atichun, yacuhuan cashpapish ama yalli huiñachunmi chashnaca tucunga. Tucui yurami huañushpa, cai pacha allpa ucupi caccunahuan pacta cangapac ringa.

JOB 22:13

Shina cacpipish canca: “¿Diosca imatatac yachanyari? Yallita amsapica, ¿ima shinatac taripangayari?

JOB 24:23

Diosca paicunamanca, imatapish mana manchashpa, paipi shunguta churana yuyaitami cun. Shina cashpapish, paicuna purishcataca ricuracunmi.