AMÓS 8:14 - Dios Rimashcata Quillcashcami

¹⁴ Samariapi tiyac dioscunapac shutipi ari nishpa: “¡Dan aillulla, cancunapac diospac shutipi ari ninchic!” niccunapish, shinallatac: “¡Beersebaman rina ñanpac shutipimi ari ninchic!” niccunapish, mana jaicapi jataringapacmi urmangacuna» nirca.

AMÓS 8:14 Referans Kwoze

AMÓS 5:5

Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

HECHOS 24:14

Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna.

HECHOS 19:23

Chai punzhacunami Efeso pueblopi Jesusta catinamanta huillashcamanta piña jatarircacuna.

HECHOS 19:9

Maijancunaca rumi shungu tucushpa, crinata mana munashpami tucuipac ñaupapi “Jesusta crinaca mana allichu” nishpa rimarcacuna. Chaimantami Pabloca tucui criccunata Tirano runa yachachina huasiman pushashpa, punzhanta yachachirca.

HECHOS 18:25

Apolosca Bautizac Juanpac bautismollamantami yacharca. Chashna cashpapish, Apunchic Jesús ima shina causachun nishcamantaca allimi yacharca. Chaimantami tucui shunguhuan Apunchic Jesusmanta allita yachachirca.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

AMÓS 5:2

¡Carihuan manarac chayarishca soltera shina israelcunaca, jaicapi mana cutin jataringapacmi urmashca! Pipish mana jatarichishcami pambapi siricun.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

JEREMÍAS 51:64

Chaipi shitashpaca: “Chashnami cai Babilonia llactaca ucuyanga. Ñuca cachashca llaquimantaca jaicapi mana quishpiringachu. Tucuimi chingaringa” ninmi ningui» nirca. Jeremías huillashcaca caicamanllami.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

ISAÍAS 43:17

caballocunata, carretacunata, sinchi soldadocunata llucchishpa cachac, jaicapi mana jataripacta urmachic, lamparata huañuchic shina, chingachic Mandac Diosca:

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

SALMOS 140:10

Paicunapac jahuapica rupacuc nina urmachun. Maita mana llucshipac nina jatun jutcupi shitashca cachun.

SALMOS 36:12

¡Chaipimi chai millai runacunaca urmashpa jaicapi mana jataringacuna!

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

2 REYES 10:29

Tucui chashna ruhuashpapish Jehuca Nabatpac churi Jeroboam israelcunata ruhuachishca juchacunataca mana saquircachu. Chashnami Bet-el pueblopi, Dan pueblopi curimanta ruhuashca becicunata alli ninata mana saquirca.

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

1 REYES 12:32

Chai huatapac pusac quilla chunga pichca punzhapimi Jeroboamca Judá llactapi jatun fiestata ruhuashca shinallatac fiestata ruhuarca. Shinallatac Bet-el puebloman rishpami, chai becicunaman animalta cushpa altar jahuapi huañuchirca. Chai dioscunapac ruhuashca huasicunapipish curacunatami churarca.

DEUTERONOMIO 33:11

¡Mandac Dioslla, paicuna imata ruhuashcataca bendiciaiyari! ¡Paicunapac maquihuan trabajashcataca cushicushpa chasquiyari! Ama cutin jatarichun piñaccunatapish, millanayachiccunatapish lomota paquiyari» nirca.

ISAÍAS 24:20

Cai pachaca machashca runa shinami, sansa nicunga. Chuclla shinami yallita cuyuringa. Cai pachapica jucha yallita miracpimi, tucui urmashpa manatac jataringa.

MIQUEAS 1:5

Tucui cai llaquicunaca Jacobopac, Israelpac huahuacunapish mana cazushpa juchallishcamantami japinga. Jacobopac huahuacunaca, ¿ima juchacunatatac ruhuarcayari? ¿Manachu Samaria llactapi ruhuashca juchacuna canga? Judá llactapi causaccunaca, ¿ima juchacunatatac ruhuashcayari? ¿Manachu Jerusalenpi ruhuashca juchacuna canga?

PROVERBIOS 24:16

Chaica, cashcata ruhuac runaca canchis cutin urmashpapish jataringallami. Ashtahuanpish Diosta mana manchaccunaca jatun llaquipimi urmanga.

AMÓS 5:1

Israelcunalla, ñuca rimashcata uyaichicyari. Cancunamanta huacashcata uyaichicyari.