AMÓS 8:10 - Dios Rimashcata Quillcashcami

¹⁰ Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

AMÓS 8:10 Referans Kwoze

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

JOB 20:23

Huicsa pactata micugricucpimi, Diosca nina japiric shina piñarishpa, paipac jahuapipish, paipac micuna jahuapipish tamyachinga.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

AMÓS 8:3

Chai llaqui punzhapica ñuca huasipi cantaccunapish huacangami. Achca huañushcacunami siricunga. Chai huañushcacunataca tucui ladocunapimi shitanga. Chaitaca Mandac Dios ñucami nini— nirca.

AMÓS 5:23

Tocaccunatapish ñuca ladomanta anchuchichic. Chai tocashcacunaca mana uyasha ninichu.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

GÉNESIS 21:16

Paipac cari huahua huañucta mana ricungaraicumi caruman rishpa flecha maicaman chayac shinapi tiyarirca. Chai chimbapurapi mama tiyacucpimi, huahuaca sinchita huacai callarirca.

LEVÍTICO 13:40

Maijanpac huasha lado accha urmacpica, lluchu umami saquiringa. Shina cashpapish mapa illacmi canga.

ISAÍAS 3:24

Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

LAMENTACIONES 5:15

Ñucanchic shungupica cushicuica ña mana tiyanchu. Ñucanchic danzaccunaca bailanapac randica, duelopi shinami, llaquilla tucushca.

EZEQUIEL 7:2

«Huañunalla runa, Mandac Dios ñucaca israelcunataca: “¡Tucuchina punzhaca ñami chayamun! Muyundi llactamantami llaquica shamunga.

JOEL 1:8

¡Shuc soltera paipac cusa tucuna huañushcamanta sharpa churanata churarishca shina huacaichicyari!

AMÓS 5:21

Cancunapac jatun fiestacunataca millanayachishpami, mana ricunayachircani. Cancunapac jatun tandanacuicunahuanca mana cushicushachu.

JOB 30:31

Ñuca arpaca llaquilla tocacmi tucushca. Ñuca flautapish huacaccunapac cunga shinami tucushca.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.