AMÓS 7:5 - Dios Rimashcata Quillcashcami

⁵ Chaimantami ñucaca: «¡Mandac Dioslla, cai ninataca cunanllata huañuchiyari! Jacobopac huahua huahuacunataca, ¿pitac ayudangayari? Paicunaca uchillami» nircani.

AMÓS 7:5 Referans Kwoze

SALMOS 85:4

Ñucanchicta quishpichic Dioslla, punta alli causacushca shinallatac causangapac alli causaita cuiyari. Ñucanchic-huan piñarishcata cungariyari.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

ISAÍAS 10:25

Ashtahuanpish asha punzha quipaca ñuca yallita piñarishcataca pasachishami. Chai quipaca nina japiric shina piñarishpami paicunata tucuchisha» nirca.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ZACARÍAS 4:10

Cai huasita ruhuai callari punzhapi ‘Mana caipacmi’ niccunaca Zorobabel plomadata charicucta ricushpaca cushicungami” nirca. Chai quipaca angelca: “Chai canchis lamparacunaca Mandac Dios paipac ñahuihuan tucui cai pachata ricucuctami nisha nin” nirca» nirca.

NÚMEROS 14:19

Egipto llactamanta llucshishpa, caiman chayamuncaman perdonac shinallatac cunanpish paicuna mana allita ruhuashcataca cambac jatun cuyaimanta perdonaiyari— nirca.

EZEQUIEL 9:8

Chai runacuna tucuita huañuchicucpica, ñucallami saquirircani. Chaimantami ñucaca pambacaman cumurishpa: «Ñucata Mandac Dioslla, can yallita piñarishpa, Jerusalenta llaquichicushpaca, chaipi causac saquirishca israelcunatapish, ¿tucuitachu chingachigringui?» nishpa mañarcani.