AMÓS 7:14 - Dios Rimashcata Quillcashcami

¹⁴ Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

AMÓS 7:14 Referans Kwoze

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

ZACARÍAS 13:5

Chaimantami paicunapuramanta cada shuc: “Ñucaca mana huillacchu cani, allpapi trabajashpa causacmi cani. Ñucaca huambramanta pachami allpapi trabajashpa causani” ninga.

2 REYES 4:38

Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

2 REYES 2:5

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

2 REYES 2:3

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

1 CORINTIOS 1:27

Yachaccunata pingaichingapacmi, imata mana yachac nishcacunata Diosca acllashca. Shinallatac valishca gentecunata pingaichingapacmi, imapacpish mana valichishcata acllashca.

2 CRÓNICAS 20:34

Punta punzhacuna, quipa punzhacuna Josafat ashtahuan imata ruhuashcacunaca Hananipac churi Jehú quillcashcapimi tiyacun. Chaitaca Israel llactata jatun mandaccuna imata ruhuashcata quillcashcapimi huillacun.

2 CRÓNICAS 16:7

Chai huatapimi, Dios ricuchishcata huillac Hanani Judá llactata jatun mandac Asapacman shamushpaca: «Canca, canta Mandac Diosta ayudachun mañanapac randica, Siria llacta jatun mandactami ayudai nishpa mañarcangui. Chaimantami Siria llactata jatun mandacpac soldadocunaca cambac maquimanta atishpa rirca.

2 REYES 6:1

Dios ima nishcata huillaccunapac churicunami Eliseotaca: —Riqui, cai canhuan causacuc huasica ñucanchicmanca uchillami.

2 REYES 2:7

Chaiman chayashpaca, Jordán yacu ladopimi ishcaita shayarirca. Chaipi shayacucpimi, Dios ima nishcata huillaccunapac pichca chunga churicuna shamushpa, paicunamanta carupi shayarirca.

1 REYES 20:35

Shina cacpimi, Dios ima nishcata huillaccunapuramanta shucca Diosllatac mandacpi caishuc huillactaca: —¡Ñucata huactai!— nirca. Ashtahuanpish chai huillacca mana huactanata munarcachu.

1 SAMUEL 10:11

Dios ima nishcata huillaccunahuan cashna huillacpimi, puntaman paita ricsic gentecunaca caishuc chaishuc rimanacushpaca: —¿Cispac churi Saulca imatac tucurca? ¿Paipish Dios ima nishcata huillacchu tucushca?— ninacurca.

1 REYES 19:19

Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

2 REYES 2:15

Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

JOB 30:4

Yuracuna chaupipimi malvacunata tandaccuna carca. Masharingapacca retama sapitami tandaccuna carca.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?