AMÓS 7:1 - Dios Rimashcata Quillcashcami

¹ Caitami Mandac Diosca muscuipi shina ricuchirca. Jatun mandacpac quihuata pitishca quipa, cutin quihua retoñacucpimi, achca langosta Mandac Dios achca langostacunata cachacucta ricurcani

AMÓS 7:1 Referans Kwoze

JOEL 1:4

Langosta puchuchishcataca oruga nishca langostacunami micurca. Chaicuna puchuchishcataca saltón nishca langostacunami micurca. Chaicuna puchuchishcataca revoltón nishca langostacunami micurca.

AMÓS 8:1

Mandac Diosca usyai punzhacunapi pucushca taza frutatami muscuipi shina ricuchirca.

AMÓS 4:9

Cancuna tarpushcataca sinchi huairahuan, langostacunahuan llaquichicucpipish, cancunapac achca huertacunata, uvas chagrata, higo yuracunata, olivos yuracunataca tucuchicucpipish, mana ñucapacman cutirircanguichicchu. Chaitaca Mandac Dios ñucami nini.

JOEL 2:25

Mandac Diosca: «Ñucami achca soldadocuna shina langostacunata cacharcani. Chaimantami oruga nishca langostacuna, saltón nishca langostacuna, revoltón nishca langostacuna micushpa tucurca. Shina cacpipish, cunanca chai huatacunamanta yallitami cutichisha.

ZACARÍAS 1:20

Chai quipaca chuscu carpinterocunatami Mandac Diosca ricuchirca.

AMÓS 7:7

Mandac Diosca caitapish ricuchircami. Mandac Dios plomadahuan ruhuashca pirca jahuapi shayacuctami ricurcani. Paica albañilpac plomadatami charicurca.

AMÓS 7:4

Mandac Diosca caitapish ricuchircami. Mandac Dios ninahuan llaquichishpa, taripangapac tandachicuctami ricurcani. Chai ninami mama cuchatapish, llacta achca allpatapish rupachircani.

EZEQUIEL 11:25

Chaiman rishpaca, Mandac Dios tucui imalla ricuchishcatami chaipi cac prezucunaman huillarcani.

JEREMÍAS 24:1

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, chai llacta shuctac mandaccunatapish, artesanocunatapish, fierrerocunatapish Jerusalenmanta Babilonia llactaman prezu apashca quipami, Mandac Diosca paipac huasi ñaupapi ishcai canashta higota ricuchirca.

ISAÍAS 33:4

Oruga curucuna micuc shinami, paicuna imalla charishcacunataca tandanga. Langosta curucuna shinami, chai charishcacunata quichunga.

MALAQUÍAS 3:11

Cancunapac allpapi pucushca granocunatapish, uvas chagracunatapish langosta ama tucuchichunca, rimashpa jarcashami.