AMÓS 6:7 - Dios Rimashcata Quillcashcami

⁷ Cunanca, prezu riccunapac ñaupatami ringuichic. Chashna ricpimi, cancunapac munashcata ruhuashpa cushicunaca tucuringa.

AMÓS 6:7 Referans Kwoze

AMÓS 7:11

Chai Amosca: “Jeroboamtaca espadahuanmi huañuchinga. Israelcunatapish paicunapac llactamanta prezumi apanga” ninmi ningui» nirca.

AMÓS 5:5

Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

AMÓS 7:17

Chaimantami Mandac Diosca: “Cambac huarmica caipimi cullquimanta huainayanga. Cambac churicunatapish, ushicunatapish espadahuanmi huañuchinga. Cambac allpatapish chaupingami. Canca juchahuan mapayashca llactapimi huañungui. Israelcunataca paicunapac llactamantami caru llactaman prezu apanga” ninmi— nirca.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

ISAÍAS 21:4

Ñuca shunguca upayanmi. Manchaillami causani. Ñuca munashca tutayana chishica manchanami tucun.

ESTER 5:8

Can jatun mandacpac ñaupapi alli ricuricpi, ñuca mañashcata ruhuasha nishpaca can jatun mandacman ñuca cutin ruhuashca jatun micuiman can jatun mandacpish, Amanpish cutin shamunguichic. Cayami can jatun mandac mandashca shinallatac huillasha— nirca.

DEUTERONOMIO 28:41

Churicunata, ushicunata charishpapish mana paicunahuan causanguichicchu. Paicunataca shuctac llactacunamanmi prezu apanga.

DANIEL 5:30

Chai tutallatacmi caldeocunata jatun mandac Belsasarca huañurca.

ISAÍAS 24:8

Panderopi huactashpa cushicunapish, yallita cushicushpa caparinapish, arpapi tocashpa cushicunapish tucurinmi.

AMÓS 4:3

Chai punzhapica, pirca jutcutami catinacushpa llucshinguichic. Mandashpa tiyana huasicunamanmi shitashca canguichic. Chaitaca Mandac Dios ñucami nini» ninmi.