AMÓS 6:11 - Dios Rimashcata Quillcashcami

¹¹ Mandac Diosmi jatun huasicunata urmachichun, chai huasi pircacunatapish urmachichun mandanga.

AMÓS 6:11 Referans Kwoze

AMÓS 3:15

Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

NAHÚM 1:14

Nínive llactalla, Mandac Dios mandashpaca: “Cambac shutita jaicapi ama yuyarishca cachun. Cambac diospac huasipi tiyac dioscunatapish imaman riccha dioscunatapish ñutuchishami. Can imapac mana valic cashcamantami chaillapitac enterrana jutcuta ruhuasha” ninmi.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

AMÓS 9:1

Mandac Dios altar jahuapi shayacuctami muscuipi shina ricurcani. Paica: «¡Umbralcuna urmachun, pilarpi tiyac capitelcunapi huactai! Chai pungucunapish tucuipac jahuapi urmashpa ñuturichun cuyuchi. Maijanpish mana uyactaca espadahuanmi huañuchisha. ¡Chaimanta miticushpa rishpapish, shucllapish mana quishpiringachu!

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

ISAÍAS 13:3

Ñucaca, ñuca acllashca soldadocunatami cachagrini. Piñarishpa llaquichingapacmi sinchi soldadocunata tandachircani. Paicunaca ñuca macanacuita mishacpimi cushicun.

ECLESIASTÉS 10:18

Quilla runa cacpimi, huasi tejacunaca urman. Maqui cruzashca cacpimi, huasipipish shutun.

SALMOS 105:34

Dios mandacpimi langostacunapish, saltashpa puric animalcunapish yallita mirashpa,

SALMOS 105:31

Dios mandacpimi chuspicunapish, usacunapish puyu shina tucui llactapi jundarca.

SALMOS 105:16

Paicunapac llactamanca yalli yarcaitami cacharca. Tucui micuna granocunatami chingachirca.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.