AMÓS 5:7 - Dios Rimashcata Quillcashcami

⁷ ¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

AMÓS 5:7 Referans Kwoze

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

EZEQUIEL 3:20

Shinallatac cashcata ruhuac runa cashcata ruhuanata saquishpa, millaita ruhuangapac cuticpica, mitcarishpa urmanatami churasha. Pai alli tucuchun, can mana rimacpica, paipac juchamantami huañunga. Pai cashcata ruhuashcataca mana yuyarishachu. Ashtahuanpish pai huañushcamantaca cantami juchanchisha.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

EZEQUIEL 33:18

Cashcata ruhuac runa cashcata ruhuanata saquishpa, mana allita ruhuashpaca, chai mana allita ruhuashcamantami huañunga.

EZEQUIEL 18:24

Ashtahuanpish cashcata ruhuac runa, allita ruhuanata saquishpa millaita ruhuaccuna shina causashpaca, ¿causangachu? Pai cashcata ruhuac cashcataca mana yuyarishachu. Ashtahuanpish pai ñucata mana cazushpa, millaita ruhuashcamantaca huañungami.

ISAÍAS 10:1

¡Aij, mana alli mandashcacunata churaccunalla! ¡Shuccunata llaquichingapac mandashcata churaccunalla!

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 36:3

Paipac shimihuanca llullallata, millaillatami riman. Alli yuyarinatapish, alli ruhuanatapish saquishcami.

PROVERBIOS 21:7

Diosta mana manchaccunataca paicuna shuhuashcallatacmi tucuchinga. Paicunaca cashcata ruhuanataca mana munarcacunachu.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

AMÓS 2:3

Paicunapac jueztaca paicunapac chaupimanta anchuchishpami, caishuc mandaccunandi huañuchisha. Chaitaca Mandac Dios ñucami nini» ninmi.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

ISAÍAS 46:12

Cashcata ruhuanata mana munac, sinchi shungucuna uyaichicyari.

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

HABACUC 1:4

Mandashcacunataca pipish mana cazunchu. Allita ruhuanataca saruc shinami yangata ruhuan. Canta mana manchacca cashcata ruhuactami llaquichingapac caticun. Chaimantami cashcata ruhuana tiyanapac randica, mana alli ruhuashca ricurin.