AMÓS 5:5 - Dios Rimashcata Quillcashcami

⁵ Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

AMÓS 5:5 Referans Kwoze

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

AMÓS 8:14

Samariapi tiyac dioscunapac shutipi ari nishpa: “¡Dan aillulla, cancunapac diospac shutipi ari ninchic!” niccunapish, shinallatac: “¡Beersebaman rina ñanpac shutipimi ari ninchic!” niccunapish, mana jaicapi jataringapacmi urmangacuna» nirca.

AMÓS 4:4

Mandac Diosca: «¡Bet-elman rishpa juchallichiclla! ¡Gilgalpi Dios ñucata mana cazugrichiclla! ¡Tutamanta animalta cushpa huañuchichiclla! ¡Cada quimsa punzhapi, chungamanta shucta cunguichiclla!

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

APOCALIPSIS 18:17

Cai tucui charishcacunaca shuc ñahui quimllaillapimi tucui tucurishca» ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayarircacuna.

1 CORINTIOS 2:6

Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 CORINTIOS 1:28

Jatun yachaccunata yangapi churangapacmi, cai pachapi mana alli nishca, imapacpish mana valichishca yangalla gentecunata Diosca acllashca.

AMÓS 7:17

Chaimantami Mandac Diosca: “Cambac huarmica caipimi cullquimanta huainayanga. Cambac churicunatapish, ushicunatapish espadahuanmi huañuchinga. Cambac allpatapish chaupingami. Canca juchahuan mapayashca llactapimi huañungui. Israelcunataca paicunapac llactamantami caru llactaman prezu apanga” ninmi— nirca.

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

OSEAS 9:15

Mandac Diosca: «Paicuna mana allita ruhuashcataca Gilgalpi ricunallami. Chaipimi paicunataca mana ricunayachircani. Paicuna yalli mana allita ruhuashcamantami, ñuca huasimanta llucchishpa cachasha, mana ashtahuan cuyashachu. Paicunata tucui mandaccunapish mana cazuccunami.

ISAÍAS 29:20

Mana llaquic runacunaca tucuringami. Burlac runacunapish tucui chingaringami. Millaita ruhuana yuyailla causaccunapish, mana allita rimashpa,

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

JOB 8:22

Canta piñaccunaca yallitami pingaichishca canga. Diosta mana manchaccunapac huasicunaca chingaringami» nirca.

1 SAMUEL 11:14

Chai quipami Samuelca israelcunataca: —¡Cai llactata mandacta allita churangapac Gilgal puebloman jacuchic!— nirca.

1 SAMUEL 7:16

Paica huatantami Bet-el, Gilgal, Mizpa pueblocunapi israelcunapurapi ima tiyashcata allichingapac ric carca.

DEUTERONOMIO 28:41

Churicunata, ushicunata charishpapish mana paicunahuan causanguichicchu. Paicunataca shuctac llactacunamanmi prezu apanga.

GÉNESIS 21:31

Shina ishcaita chaipi ari nishcamantami chai allpataca Beersebata shutichirca.

1 SAMUEL 8:2

Paipac punta churica Joelmi carca. Quipa churica Abiasmi carca. Paicunami Beerseba pueblopi juezcuna carca.

1 REYES 12:28

Chashna yuyarishcata shuccunaman parlacpi, paicuna alli nicpimi, jatun mandac Jeroboamca curimanta ishcai becicunata ruhuashpa israelcunataca: «¡Cancuna, Jerusalenman huichai rinaca mana allichu! ¡Cancunapac dioscunaca caipimi! ¡Paicunami cancunataca Egiptomanta llucchimurca!» nirca.

1 REYES 12:29

Chai ishcai becicunataca shuctaca Bet-el pueblopi, caishuctaca Dan pueblopimi churarca.

AMÓS 3:14

Israel ñucata mana cazushcamantami llaqui punzhapica Bet-elpi tiyac altarcunatapish tucuchisha. Chai altar esquinacunapi cac gachucunatapish paquishpami pambaman urmachisha.

AMÓS 7:10

Chaimantami Bet-elpi causac Amasías curaca israelcunata jatun mandac Jeroboamman huillachun cachashpaca: «Amosmi israelcunapac chaupipi canta piñashpa jatarishca. ¡Pai huillashcataca cai llactapi causaccunaca ña mana ashtahuan uyasha ninchu!

AMÓS 7:13

Ama ashtahuan Bet-elpi huillaichu. Caipimi jatun mandacca Diosta mañan. Cai llactaca llactata mandana jatun llactami— nirca.

GÉNESIS 26:23

Chaimantaca Beersebamanmi huichai rirca.

GÉNESIS 26:33

Chai jundutaca Isaacca Ari ninacuitami shutichirca. Chaimantami chai llactaca cunan punzhacaman «Beerseba» shuti can.

JOSUÉ 5:9

Chaipimi Mandac Diosca Josuetaca: «Cunanmi Egipto llactapi pingaichishcata anchuchini» nirca. Chaimantami chai lomataca Gilgalta shutichirca. Shinami cunancaman chai shuti can.

2 REYES 23:8

Judá llacta pueblocunapi causac tucui curacunatapish cayashpa tandachishpami, lomacunapi tiyac altarcunataca Geba pueblomanta callarishpa, Beerseba pueblocaman tucuchishpa saquirca. Chai altarcunapimi curacunaca inciensota rupachic carca. Shinallatac pueblota mandac Josué ruhuachishca pueblo yaicuna pungu lluqui ladopi tiyac altarcunatapish urmachircami.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

AMÓS 1:5

Damasco pungu aldabacunatapish paquishami. Avén pambapi causaccunatapish, Bet-edén llactata mandaccunatapish tucuchishami. Siria llactapi causaccunataca Kir llactamanmi prezu apanga» ninmi.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.