AMÓS 5:24 - Dios Rimashcata Quillcashcami

²⁴ Ashtahuanpish allita mandanaca yacu shina callpacuchun. Cashcata ruhuanaca mana tucuric callpacuc yacu shina cachun.

AMÓS 5:24 Referans Kwoze

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

PROVERBIOS 21:3

Mandac Diosmanca cashcata ruhuana, alli ruhuanami animalcunata cushpa huañuchishcatapish yalli alli ricurin.

AMÓS 5:7

¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

EZEQUIEL 45:9

Mandac Diosca: ¡Israel llactata mandaccunalla! ¡Llaquichinatapish, shuhuanatapish ña saquichic! ¡Ashtahuanpish imapish allita, cashcata ruhuaichic!

AMÓS 5:23

Tocaccunatapish ñuca ladomanta anchuchichic. Chai tocashcacunaca mana uyasha ninichu.