AMÓS 5:15 - Dios Rimashcata Quillcashcami

¹⁵ Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 5:15 Referans Kwoze

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.

SALMOS 97:10

Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

ÉXODO 32:30

Cayandimi Moisesca israelcunataca: —Cancunaca jatun juchatamari ruhuashcanguichic. Ñucaca Mandac Dios maipi cashcamanmi huichai rigrini. Cancunapac juchata perdonangapishchari— nirca.

JONÁS 3:9

Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.

AMÓS 5:24

Ashtahuanpish allita mandanaca yacu shina callpacuchun. Cashcata ruhuanaca mana tucuric callpacuc yacu shina cachun.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

1 REYES 20:31

Chaimantami paita serviccunaca: «Riqui, israelcunata jatun mandacca yallita llaquic cashcatami uyanchic. Cunanca, sharpa churanata churarishpa, cungapipish huascahuan huatarishpa, Israel llactata jatun mandacpacman chayagrishun. Chaita ricushpaca, cantaca perdonangapishchari» nirca.

ROMANOS 7:22

Ñuca shungupica Diospac mandashcacunahuanmi yallita cushicuni.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

AMÓS 5:10

Cancunaca llacta pungupi cunac runatapish, cashcata rimactapish mana ricusha nishpa millarcanguichicmi. ¡Aij imachari tucunguichic!

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

SALMOS 119:104

Can mandashcamantami alli yuyaita japircani. Shina cashcamantami llulla causaitaca piñani.

SALMOS 37:27

Mana allimanta anchurishpa allita ruhuai. Chashna ruhuashpami huiñaita causangui.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

DANIEL 2:49

Danielca jatun mandacmanca Sadracta, Misacta, Abed-negota, Babilonia llactata mandacta ayudachun churachunmi mañarca. Cutin Danielca jatun mandac tiyanapimi saquirirca.

AMÓS 7:3

Shina nicpimi, Mandac Diosca llaquirishpaca: «Mana chashna cangachu» nircami.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

JEREMÍAS 18:8

Shina cacpipish, chai gentecuna mana allita ruhuanata saquishpa, ñucapacman cutiricpica, paicunata llaquichinata yuyarishcataca saquishami.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

EZEQUIEL 45:9

Mandac Diosca: ¡Israel llactata mandaccunalla! ¡Llaquichinatapish, shuhuanatapish ña saquichic! ¡Ashtahuanpish imapish allita, cashcata ruhuaichic!

MIQUEAS 3:2

Ashtahuanpish cancunaca allita ruhuanata piñashpami, mana allita ruhuanata munanguichic. Tullumantaca caratapish, aichatapish anchuchishpami saquinguichic.