AMÓS 4:7 - Dios Rimashcata Quillcashcami

⁷ Cosechangapac quimsa quilla faltacpimi, tamyata jarcarcani. Shuc llactapi tamyachishpapish, caishuc llactapica mana tamyachircanichu. Shuctac chagrapi tamyacucpish, shuctac chagraca usyaihuami tucui chaquirca.

AMÓS 4:7 Referans Kwoze

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

ÉXODO 9:26

Israelcuna causana Gosenllapica ima rundu, mana urmarca.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

SANTIAGO 5:17

Diosmanta ñaupa huillac Eliasca ñucanchic shinallatacmi carca. Pai ama tamyachun nishpa, crishpa Diosta mañacpica, quimsa huata chaupitami mana tamyarca.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

ÉXODO 10:23

Quimsa punzhacamanmi caishuc chaishucpish mana ricui pudircacuna. Shinallatac maiman mana cuyuri pudirca. Ashtahuanpish israelcunaca sumac achicpimi puricurca.

ÉXODO 9:4

Shina cacpipish, israelcunapac animalcunataca Egipto runacunapac animalcunamanta chicanyachishami. Israelcunapac animalcunaca shucllapish mana huañungachu’ ninmi” ningui— nirca.

APOCALIPSIS 11:6

Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.

SAN JUAN 4:35

¿Manachu cancunaca: “Chuscu quillami cosechangapacca faltan” nicunguichic? Ashtahuanpish ñucaca: Chagrata alli ricushpaca, cosechanalla cashcata ricuichic, ninimi.

ZACARÍAS 14:17

Cai pacha familiacunamanta maijan Jatun Mandacta, tucuita Mandac Diosta Jerusalenpi mañangapac mana shamucpica, paicunapac llactapi mana tamyangachu.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 14:4

Chai llactapi mana tamyacpimi, allpapish yallita chaquirca. Allpapi trabajaccunaca yallita pingaihuan umata taparin.

DEUTERONOMIO 11:17

Chashna mana allita ruhuacpica, Mandac Dios nina japiric shina piñarishpami, pai cusha nishca sumac llactapica jahua cielota huichcac shina mana tamyachinga. Allpacunapish mana pucucpica, utcami tucuringuichic.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

1 CORINTIOS 4:7

¿Pitac cantaca shuccunamanta yallita ruhuarca? ¿Imatatac Diosmantaca mana chasquircangui? Chashna tucuita chasquishpaca, ¿ima nishpatac Diosmanta mana chasquishca shina jatun tucungui?

ÉXODO 10:22

Shina nicpimi, Moisesca maquita huichaiman alzarca. Shina alzacpica, tucui Egipto llactapimi quimsa punzhacaman yalli pura tucurca.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.