AMÓS 3:15 - Dios Rimashcata Quillcashcami

¹⁵ Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

AMÓS 3:15 Referans Kwoze

JEREMÍAS 36:22

Chai huata callarishca iscun quillapimi jatun mandacca tamya punzhacuna causana huasipi paipac ñaupapi ninata japichishpa tiyacurca.

1 REYES 22:39

Acabpac shuctac ruhuashcacunapish marfilmanta huasita ruhuashcapish, tucui pueblocunata ruhuashcapish Israel llacta jatun mandaccuna imata ruhuashcacunata quillcashcapimi tiyacun.

JUECES 3:20

Rupai punzhacunapi llandurina ucupi mandac Eglón tiyacucpimi Aodca: —Can jatun mandacmanca Diosmanta huillanatami charini— nirca. Chashna nicpimi, Eglonca pai tiyacushcamanta jatarirca.

AMÓS 6:11

Mandac Diosmi jatun huasicunata urmachichun, chai huasi pircacunatapish urmachichun mandanga.

ISAÍAS 5:9

Tucuita Mandac Dios ringripi rimashpaca: “Chai achca sumac huasicunapica pi mana causangachu. Chaicunaca llaquinayaitami shitashca saquiringa.

AMÓS 3:11

Chaimantami chai llactataca piñaccuna muyushpa shayaringa. Sinchi torretapish urmachingami. Mandashpa tiyana huasicunamantapish tucui shuhuashpa apangami. Chaitaca Mandac Dios ñucami nini» ninmi.

SALMOS 45:8

Cambac tucui churanacunapish mirra, áloes, canela shinami mishquilla ashnacun. Marfilmanta ruhuashca can mandashpa tiyana huasicunapimi cantaccunaca cantashpa cushichincuna.

AMÓS 2:5

Chaimantami Judá llactapica ninata japichisha. Chai ninami Jerusalenpi mandashpa tiyana huasicunatapish tucui rupachinga» ninmi.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.