ABDÍAS 1:5 - Dios Rimashcata Quillcashcami

⁵ Shuhuaccuna tuta cambacman shamushpaca, ¿manachu apana pactallata shuhuanga? Uvasta pallaccuna pallashpapish, ¿manachu chalanata saquinga? ¡Canca llaquinayaitami tucuchishca cangui!

ABDÍAS 1:5 Referans Kwoze

JEREMÍAS 49:9

Uvasta pallaccuna uvasta shamushpaca, ¿manachu maijan uvasllatapish saquinman? Shuhuaccuna tuta shamushpapish apasha nishcallatami apancuna.

DEUTERONOMIO 24:21

Uvas chagrata pallacushpaca, ama saquirishcata cutin pallanguichicchu. Chaicunataca shuctac llacta runaman, taita mama illac huahuacunaman, viudacunaman saquinguichic.

ISAÍAS 17:6

Israelcunaca olivos yurata cuyuchishpa pallacpi, ishcai, quimsa punta ramapi saquiric shinami saquiringa. Ashtahuan alli grano ramacunapi chuscu, mana cashpaca pichca puchushca shinami saquiringa» ninmi. Chaitaca tucuita Mandac Diosmi nin.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

JEREMÍAS 50:23

¡Tucui cai pacha llactacunata llaquichic martillo shina Babilonia llactamari tucurishca! ¡Chai llactaca shuctac llactacunapac chaupipica mancharina, shitashca pambami tucushca!

ISAÍAS 24:13

Tucui cai pachapi causaccunaca olivos yurata cuyuchishpa granota pallacpi, maijanlla saquiric shina, uvasta cosechashpa, tucui pallashca shinami saquiringa.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

2 SAMUEL 1:19

«¡Aij, sumaimana Israel-lla, cambac urcu jahuallapitacmi huañushca! ¡Ima shinachari cai sinchi runacunaca huañurca!

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

JEREMÍAS 6:9

Tucuita Mandac Diosca: «Saquirishca israelcunataca uvasta pallashca quipa, ramacunata tigrashpa cutin mashcashpa pallac shinami mashcanga» ninmi.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.