ABDÍAS 1:19 - Dios Rimashcata Quillcashcami

¹⁹ Neguev llactapi causaccunaca Esaupac huahua huahuacunapac urcucunatami japinga. Sefela pambapi causaccunaca filisteocunapac llactatami japinga. Efraín llactatapish, Samaria llactatapish japingami. Benjaminpac huahuacunaca Galaad llactatami japinga.

ABDÍAS 1:19 Referans Kwoze

AMÓS 9:12

Chashna ruhuacpimi, ñuca shutipi mañancuna. Edom llacta asha saquirishcatapish, tucui llactacunatapish, paicuna japinga. Chaitaca pactachishami. Chaitaca Mandac Dios ñucami nini.

JEREMÍAS 32:44

Ashtahuanpish caimanta prezu aparishcacunataca ñucami cutichimusha. Paicunaca allpata randingacunami. Escriturata ruhuashpami sellanga. Chashnami Benjaminpac llactapi, Jerusalén muyundi llactacunapi, Judá llactallapitac tiyac caishuc llactacunapi, urcucunapi tiyac llactacunapi, Sifela pambapi tiyac llactacunapi, Neguev pamba llactacunapimi allpata randinga» ninmi.

EZEQUIEL 36:28

Ñaupa taitacunaman cushca llactapimi causanguichic. Cancunaca ñuca acllashcacunami canguichic. Ñucaca cancunapac Mandac Diosmi casha.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 1:8

Asdodpi causaccunatapish, Ascalón llactata mandaccunatapish tucuchishami. Ecrón llactapi causaccunataca piñarishpa llaquichicpica, maijan saquirishca filisteocunapish huañungami. Chaitaca Mandac Dios ñucami nini» ninmi.

EZEQUIEL 25:16

Chaimantami filisteocunataca llaquichisha. Ñuca maquita alzashpa cereteocunatapish, mama cucha ladopi causaccunatapish tucuchisha.

JEREMÍAS 49:1

Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

SALMOS 69:35

Diosmi Siontaca llaquimanta llucchinga. Judá llacta pueblocunatapish cutin allichinga. Chaipi causai callarishpami chai pueblotaca paicunapac cachun japingacuna.

ESDRAS 4:17

Chaimantami jatun mandac quillcashpaca: «Mandac Rehumtapish, quillcac Simsaitapish, Samaria llactapi causac caishuc cancunapac huauquicunatapish, jatun yacu chimba ladopi causaccunatapish sumac causaita charichun ninimi.

ESDRAS 4:2

Zorobabelpacman, ñaupa taitacunapac huasi ucupuracunata mandaccunapacman shamushpaca: —Cai huasita ruhuanataca ñucanchicpish ayudashun ninchicmi. Ñucanchicpish cancuna shinallatacmi cancunapac Diosta mashcanchic. Asiria llactata jatun mandac Esar-hadón ñucanchicta cai llactaman apamushca punzhamanta pachami cancuna shinallatac Diosman animalcunata cushpa rupachinchic— nirca.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

JOSUÉ 15:33

Sefela jatun pambapi tiyac pueblocunaca Estaol, Zora, Asena,

JOSUÉ 15:21

Judá aillupac ura Edom llactacaman, ura ladoman cac pueblocunaca caicunami: Cabseel, Edar, Jagur,

JOSUÉ 13:31

Basán llactata mandac Og mandacushca chaupi Galaad llactatami Astarot, Edrei pueblocunandi Manasespac churi Maquirpac chaupi ailluman, paicuna mashna cashcata ricushpa curca.

JOSUÉ 13:25

Paicunapac allpaca Jazer pueblomanta Galaad llacta tucui pueblocunapish, Amón chaupi llactapish, Rabá pueblo chimba ladopi cac Aroer pueblocamanmi carca.

NÚMEROS 1:32

Josepac churicunapuramantaca Efrainpac churimantaca huasi ucupurata catishpa, ishcai chunga huatayucmanta callarishpa, macanacuiman ripac caricunataca