ABDÍAS 1:1 - Dios Rimashcata Quillcashcami

¹ Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

ABDÍAS 1:1 Referans Kwoze

JOEL 3:19

Egipto llactaca chingaringami. Edom llactapish shitashca pambami saquiringa. Judá llactapi causaccunata llaquichishcamanta, mana faltayuc runacunata huañuchishpa, yahuarta jichashcamantami chashnaca tucunga.

ISAÍAS 30:4

Mandaccunaca Zoán llactapimi canga. Jatun mandacpac huillaccunaca Hanes llactamanmi chayanga.

ISAÍAS 21:11

Duma llacta llaqui tucunamanta huillashcami. Seir llactamantaca: «Chapac runa, ¿ñachu pacarimun? Chapac runa, ¿ñachu achicyagrin?» nishpami caparirca.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

MARCOS 13:7

Cancunaca “macanacuimi tiyagrin, ñami macanacucun” nicpipish ama mancharinguichicchu. Chai llaquicunaca tiyangallatacmi. Chashna tucucpipish, cai pachaca manarac tucuringachu.

SAN MATEO 24:6

Cancunaca quiquin llactapipish, caru llactapipish jatun macanacuitami uyanguichicmi. Chaita uyashpapish, ama mancharinguichicchu. Chashna llaquicunaca tiyangallatacmi. Ashtahuanpish cai pachaca manarac tucuringachu.

MIQUEAS 2:13

Ñanta pascacmi, paicunapac ñaupataca huichai rishpa, punguta llucshinga. Paicunata jatun mandacca ñaupashpami ringa. Tucuipac ñaupata ricca Mandac Dios ñucami casha» ninmi.

JEREMÍAS 51:46

Llactacunapi llaquita uyashpapish ama manchaichicchu. Ama shaicuichicchu. Chai llaquicunaca huatantami uyaricungalla. Shuc llactata jatun mandacca shuctac llactata mandac-huanmi piñanacunga.

JEREMÍAS 25:21

Edom, Moab, Amón llactapi causaccunamanpish curcani.

JEREMÍAS 25:17

Shina nicpimi, Mandac Diospac maquimanta chai copata japishpa, pai cachashca llactacunapi causaccunaman ubiachun curcani.

ISAÍAS 21:12

Shina nicpimi, chapac runaca: «Ñami achicyagrin, achicyashpapish ña tutayangami. Imata tapusha nishpaca, tapuc shamunguilla» nirca.

GÉNESIS 25:30

Jacobotaca: —Chai pucalla sumac micunata carai, mai shaicushcami cani— nirca. (Chaimantami Esauca Edom shutipish carca).

GÉNESIS 36:8

Shina cacpimi, Edom nishca Esauca Seir urcupi causagrirca.

GÉNESIS 36:9

Seir urcupi causac ñaupa taita Esaupac huahua huahua edomitacunaca caicunami.

EZEQUIEL 35:1

Mandac Dios ñucata rimashpaca: