3 JUAN 1:8 - Dios Rimashcata Quillcashcami

⁸ Chaimantami ñucanchic criccunaca paicunata imallahuan ayudashpa, cashcata nic alli huillaita huillanata ayudana canchic.

Nuevo Testamento en Quichua Cañar 1996

⁸ Chaimantami ñucanchic criccunaca paicunata imallahuan ayudashpa, cashcata nic alli huillaita huillanata ayudanacuna canchic.

3 JUAN 1:8 Referans Kwoze

3 JUAN 1:10

Chaimantami ñuca rishpaca, ñucanchicmanta huashalla parlashpa, llullashpa puricucta yuyachishpa rimasha. Maijan criccuna pozachichun nicpipish, mana chaquisha ninchu. Shinallatac criccunata chasquishun niccunatapish, jarcashpami tandanacushca criccunamanta llucchishpa cachan.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

FILEMÓN 1:2

Shinallatac cambac huasipi tandanacuc criccunamanpish, Jesusta crishcamanta pani Apyamanpish, ñucanchic shina mana manchashpa huillac Arquipomanpish quillcanchicmi.

1 TESALONICENSES 3:2

ñucanchic huauqui Timoteota cancunapacman cacharcanchic. Paica Diosta servic, ñucanchic-huan Jesucristomanta alli huillaita huillacmi. Paimi cancunata cunashpa crina yuyaita cunga.

COLOSENSES 4:11

Shinallatac Justo nishca Jesuspish “allilla cashca cachun” nishpami cachan. Israelcunapuramanta criccunaca paicunallami, Dios mandacucmanta ñucahuan pacta imatapish ruhuashpa, cushichiccuna can.

FILIPENSES 4:3

Shinallatac can ñucahuan Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendi, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan pacta huillarcacuna. Paicunapac shuticunaca huiñaita causangapac rina libropimi quillcashca tiyacun.

2 CORINTIOS 8:23

Titoca ñucahuan pacta cancunapac allipac ruhuashpa puricmi can. Cutin caishuc ishcai huauquicunaca, caipi chaipi cac tandanacushca criccuna acllashca, Cristo alli nishca cachun ruhuaccunami cancuna.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

SAN LUCAS 11:7

Chashna nicpi, ucumanta huasiyucca: “Pungu huichcashcami. Huahuacunahuanmi sueñucuni. Mañashcata cungapac mana jatari pudinichu” ninmanchari.

SAN MATEO 10:40

Maijanpish cancunata chasquicca, ñucatami chasquin. Ñucata chasquicca, ñucata cachac Diostami chasquin.

SAN MATEO 10:14

Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi catirishca allpatapish chaillapitac chaspishpa ringuichic.

3 JUAN 1:7

Paicunaca Jesucristomanta huillangapac llucshishpapish, mana criccunamantaca ima ayudata mana chasquircacunachu.

3 JUAN 1:9

Ñucaca tandanacushca criccunamanmi shuc quillcata quillcarcani. Chashna quillcacpipish, Deotrefesca mandac casha nishpami, ñucanchic yuyaita cushpa quillcashcataca mana chasquisha nirca.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?