2 TIMOTEO 2:7 - Dios Rimashcata Quillcashcami

⁷ Cai ñuca nishcacunata alli yuyaricpica, Apunchic Jesucristollatacmi tucui imapish alli yuyaicunata cunga.

Nuevo Testamento en Quichua Cañar 1996

⁷ Cai ñuca nishcacunata alli yuyaricpica, Apunchic Jesucristollatacmi tucui imapish alli yuyaicunataca cunga.

2 TIMOTEO 2:7 Referans Kwoze

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SAN LUCAS 24:45

Chai ratomi paicunapac yuyaita cushpa, Dios quillcachishcata alli entendichirca.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

1 TIMOTEO 4:15

Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

SAN JUAN 16:13

Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

HEBREOS 13:7

Diospac shimita huillashpa, cancunata pushaccunata yuyarichic. Paicuna causashcata ricushpa, paicuna shina crishpa causaichic.

HEBREOS 12:3

Jesusca juchayuc gentecuna piñashca, yallita llaquichishcami carca. Chaita yuyarishpaca, ama shaicuichicchu.

HEBREOS 7:4

Chaimanta Melquisedectaca, jatun cashcatami yuyanchic. Ñucanchic taita Abraham mandaccunahuan macanacushpa quichushcacunata chungamanta shuctami Melquisedecman curca.

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

ISAÍAS 28:26

Tarpuc runataca paipac Diosmi allita ruhuanata yachachicun.

PROVERBIOS 24:32

Chaita ricushpami, ñuca shungupi yuyarishpa cai yachachinata yuyarircani:

SALMOS 119:125

Ñucaca canta servicmi cani. Can mandashca shina causanata yachacungapac alli yuyaita cuiyari.

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

SALMOS 119:144

Ima shina causanata can yachachishcaca huiñaita cashcata yachachicmi. Chai shina causangapac alli yuyaita cuiyari.

SALMOS 119:73

Cambac maquihuanmi ñucata ruhuarcangui. Can mandashcacunata allita yachacungapac ñucata entendichiyari.

SALMOS 64:9

Chashna ruhuacpimi, tucui gentecuna manchashpa Dios ima ruhuashcata huillangacuna. Shina huillacpimi, pai ruhuashcataca entendingacuna.

1 CRÓNICAS 29:19

Shinallatac ñuca churi Salomón ima pandata ama ruhuachun alli yuyaita cungui. Shina cucpimi can mandashcacunata, ima shina causanata yachachishcacunatapish, quillcashcacunatapish pactachishpa, ña allichishca cambac huasitapish shayachinga» nirca.

1 CRÓNICAS 22:12

Can israelcunata mandacucpi, canta Mandac Dios mandashcata can pactachichun Diosllatac yuyaita cushpa, alli yachacta ruhuachun.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

DEUTERONOMIO 4:39

Mandac Diosca jahua pachapipish, cai pachapipish Diosmi. Chaitaca cancunapac shungupi yuyarichic.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.

SAN LUCAS 9:44

—Caita alli uyaichic, Runa Tucungapac shamushca ñucataca runacunamanmi japichinga— nirca.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

2 TIMOTEO 2:6

Tarpuc runapish, granota japingapacca allpataracmi yallita allichishpa trabajanata charin.

2 TIMOTEO 2:8

Alli huillaita ñuca huillashca shinallatac Jesucristotaca Mandac Davidpac aillupuramanta cashcata, huañushcacunapuramanta causarishcata yuyarina cangui.