2 TIMOTEO 2:23 - Dios Rimashcata Quillcashcami

²³ Imapish mana alli parlocunataca ama uyanguichu. Chaicuna piñanacuipi churac cashcataca canllatac yachanguimi.

Nuevo Testamento en Quichua Cañar 1996

²³ Imapish yanga parlocunataca ama uyanguichu. Chaicuna p'iñanacuipi churac cashcataca canllatac yachanguimi.

2 TIMOTEO 2:23 Referans Kwoze

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

TITO 3:9

Shina cacpipish imapish yanga parlocunamanta, ñaupa taitacunapac shuticunamanta, Moisés mandashcacunataca pactachinami canchic nishpa rimanacushpa piñanacunamanta, huacaichiringui. Chaicunaca yanga ima yuyai japinapish mana tiyanchu.

2 TIMOTEO 2:16

Imapish yanga, mana alli rimanacuicunamantaca anchuringui. Chai rimaicunaca ashtahuan ashtahuan piñanacuipi churashpami, Diosmanta caruyachinga.

1 TIMOTEO 4:7

Imapish yanga, parlocunataca ama uyanguichu. Chaipac randica cuerpota pucllangapac allichiric shina, Diospac ñaupapi alli causana yuyailla cangui.

1 TIMOTEO 1:4

shinallatac yanga parlocunata, mana yupaipac ñaupa taitacunapac shuticunata ama uyashpa catichunmi cantaca jarcachun mañarcani. Tucui chaicunaca piñanacuipi churashpami, Dios quishpichisha nicushca crinataca jarcan.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.