2 TIMOTEO 2:10 - Dios Rimashcata Quillcashcami

¹⁰ Chaimantami Dios tucui acllashcacuna Jesucristohuan shuclla tucushpa, sumaimana huiñai causaita paicunapish japichun nishpa cai llaquicunataca apacuni.

Nuevo Testamento en Quichua Cañar 1996

¹⁰ Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

2 TIMOTEO 2:10 Referans Kwoze

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

2 TIMOTEO 2:3

Canca Jesucristopac alli soldado shina, llaquicunataca apanguilla.

2 CORINTIOS 1:6

Cancuna quishpirishpa, cushicuita japichunmi ñucanchicca llaquita apanchic. Ñucanchicta cushichishcaca, cancunapish mana manchashpa, cuyac shunguhuan llaquita apachunmi, cushicuita cun.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

1 PEDRO 2:10

Cancunaca ñaupaca Diospac acllashcacunaca mana carcanguichicchu. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Cunanca Dios llaquishcami canguichic.

1 TESALONICENSES 5:9

Dios ñucanchicta acllashpaca, mana piñarishpa llaquichingapacchu acllarca. Ashtahuanpish chaipac randica, ñucanchic Apunchic Jesusmanta quishpirichunmi acllarca.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

EFESIOS 3:13

Shina cashcamanta ñuca cancunamanta llaquita apacucpipish ama llaquirishpa, ashtahuanpish ñaupaman catichunmi mañani. Cancunapac allipacmi cashna llaquicunata apacuni.

2 CORINTIOS 4:15

Ñucanchicca cancunata cuyashpa cai llaquicunata apacushcatami yachanchic. Dios mai cuyac cashcata yachashpaca, pagui nishpami achcacuna Diostaca «allimari cangui» ningacuna.

1 CORINTIOS 9:22

Manarac sinchi criccunahuan cashpaca, paicuna Cristopacman shamuchunmi paicuna shina tucuni. Chashnami maijancunallapish quishpirichun tucuilaya tucuni.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 17:9

Ñucaca paicunamantami mañani. Mana cai pachapac caccunamanta mañanichu, ashtahuanpish ñucaman cushcacunaca cambac cashcamantami paicunamanta mañani.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

PROVERBIOS 8:35

Ñucata caticca causaita charingami. Shinallatac Mandac Diospac cuyaitapish chasquingami.

2 TESALONICENSES 2:14

Chashnaca ñucanchic Apunchic Jesucristopac sumaimana cushicuita chasquichunmi, ñucanchicman alli huillaita huillachishpa, Diosca cancunataca cayarca.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli cuyacucpica, ¿ima nishpatac cancunaca ashallata cuyanguichic?

2 TIMOTEO 1:1

Ñucaca Dios munashcamanta, Apunchic Jesucristo acllashca huillac Pablomi cani. Apunchic Jesucristohuan shuclla tucushcamanta, pai cushami nishca causaita huillacmi cani.

2 TIMOTEO 2:1

Ñuca huahua shina Timoteo, canca Jesucristohuan shuclla cashcamanta, Dios cuyashpa allicunata cushcahuan sinchi tucuiyari.

TITO 1:1

Diospacta ruhuac, shinallatac Apunchic Jesucristo acllashca huillac Pablomi cani. Dios acllashcacuna, Paita crishpa, cashcata nic huillashcata yachachun,

SAN LUCAS 22:57

Chashna nicpimi Pedroca: —Marmi, mana ricsinichu— nirca.