2 TIMOTEO 1:3 - Dios Rimashcata Quillcashcami

³ Tutapish, punzhapish canta yuyarishpa paiman mañacushpaca, ñaupa taitacuna ruhuashca shinallatacmi, ñucapish chuya yuyaihuan Diospacta ruhuashpa pagui nicunilla.

Nuevo Testamento en Quichua Cañar 1996

³ Ñaupa taitacuna ruhuashca shinallatac, ñucapish tucui shunguhuan Diospacta ruhuashpa, tutapish, punzhapish paiman mañacushpaca, canta yuyarishpami pagui nicunilla.

2 TIMOTEO 1:3 Referans Kwoze

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

HECHOS 23:1

Chai tandanacushca mandaccunata ricushpami Pabloca: —Huauquicuna, ñucaca cunan punzhacamanmi, Diospac ñaupapica alli shunguhuan causacuni— nirca.

HECHOS 24:14

Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna.

1 TIMOTEO 1:19

Cambac yuyai ama juchanchishca cachunca, crishcata alli huacaichingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucurcacuna.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

2 TIMOTEO 1:5

Can mana nic tucushpa, alli cric cashcataca yachanimi. Cambac aila Loidapish, cambac mama Eunicepish chashnallatacmi cric carca. Canpish chashnallatac cric cashcataca yachanimi.

1 TESALONICENSES 3:10

Ñucanchicca cancunapac ñahuita ricushpa, crina yuyaita cushpa, ashtahuan sinchiyachinatami munanchic. Chaimantami tutapish punzhapish Diosta mañacunchiclla.

EFESIOS 1:16

Diosman ñuca mañashpaca, mana cungarishpa cancunamanta Diosta pagui nicunilla.

GÁLATAS 1:14

Ñaupa taitacuna yachachishcata allita huacaichic cashpami, israelcuna yachachishcata caticushpaca, ñucahuan huiñai israelcunata atishpa ashtahuan alli cazuc carcani.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

ROMANOS 9:1

Apunchic Jesusta cric cashcamantami, mana llullashpa cashcatatac nicuni. Ñuca yuyaitaca Diospac Espiritumi pushacun. Paimi ñuca mana llullacushcataca ricuchin.

HECHOS 27:23

Cunan tutami ñuca alli nina Diospac ángel ñucahuan carca.

HECHOS 26:4

Ñucaca uchillamanta pachami cai llactapipish, Jerusalén pueblopipish causashcani. Chaitaca tucui israelcunami alli yachancuna.

SAN LUCAS 2:37

Paica pusac chunga chuscu huatatami viuda carca. Chai yuyac huarmica Diosta mañana huasimanta mana llucshishpami, punzhanta Diosta servishpa, mañashpa ayunashpa, causac carca.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

1 TIMOTEO 5:5

Imata mana charic viudaca Diospi shunguta churashpami, “paica cungallami” nishpa punzhapish, tutapish mañacunlla.