2 TIMOTEO 1:12 - Dios Rimashcata Quillcashcami

¹² Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

Nuevo Testamento en Quichua Cañar 1996

¹² Chashna huillac cashcamantami tucui cai llaquicunataca apacuni. Shina cacpipish ñuca pita crishcataca yachanimi. Shinallatac ñucaman mingashcataca, shamuc punzhacaman huacaichina cashcatapish allimi yachani. Chashna cashcamanta manatac pinganichu.

2 TIMOTEO 1:12 Referans Kwoze

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Diospac poderhuan ñuca shina llaquita apanguilla.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

ROMANOS 1:16

Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.

SAN MATEO 24:36

Ima horas, ima punzha, ñuca cutimunataca pi mana yachanchu. Jahua pachapi cac angelcunapish mana yachanchu. Ñucapish mana yachanichu, ashtahuanpish ñuca Taitallami yachan.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

SALMOS 25:2

¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.

2 TIMOTEO 1:18

Chashna cashcamanta Apunchic Jesusllatac tucuita taripana punzhapica, mai llaquishca cachunmi nini. Efeso pueblopi ima shina allicunata ruhuashpa cushichishcataca, canllatacmi alli yachangui.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

FILIPENSES 3:10

Cunanca tucuimanta yallica Cristota ricsishpami, pai causarishca quipa imatapish ruhuaclla cashcata ricusha nini. Shinallatac pai llaquita apashpa huañushca shinallatacmi, ñucapish llaquita apana cacpipish pai shina huañusha nini.

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota cuyashpa paihuan cangapacmi, chai tucui yangallacunataca ima mapatalaya shitarcani.

1 CORINTIOS 3:13

Shina cacpipish quiquin imahuan ruhuashcaca, taripai punzhapimi ricuringa. Chaipi Dios ninahuan rupachishpa ricucpimi quiquin imalaya ruhuashcaca yacharinga.

SAN JUAN 17:15

Mana cai pachamanta paicunata anchuchichunchu mañanichu, ashtahuanpish tucui millaimanta huacaichichunmi mañani.

SAN MATEO 12:21

Tucui llactacunami paipi shunguta churashpa shuyanga» nishcami.

ISAÍAS 54:4

Ama manchaichu, mana pingaichishcachu cangui. Ama pingaichu, cantaca pi mana burlangachu. Ashtahuanpish huambrarac cashpa, pingashcata, viuda cashpa, pingashcataca mana ashtahuan yuyaringuichu.

SALMOS 31:5

Cambac maquipimi ñuca espirituta mingani. Cashcata nic, ñucata Mandac Dioslla, canmi quishpichircangui.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

1 PEDRO 4:16

Ashtahuanpish Jesusta cric cashcamanta llaquita apashpaca, mana pinganachu canguichic. Pinganapac randica, Apunchic Jesusta catic cashcamanta Diostami “allimari cangui” nina canguichic.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 2:18

Paica, diablo pandachisha nicpi, pai llaquita apac cashcamantami, maijanpish chai shina llaquihuan caccunata, ayudangapac poderta charin.

1 TESALONICENSES 2:16

Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

HECHOS 13:50

Ashtahuanpish israelcunaca chai runacunata catishpa cachashunmi, gentecunapac alli nishca, Diosta yuyaric huarmicunatapish, chai pueblota mandaccunatapish cunarca. Chaimantami Pablotapish, Bernabetapish llaquichishpa, chai llactamanta llucchishpa cacharcacuna.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

HECHOS 7:59

Chashna rumicunahuan shitacucpimi, Estebanca: «Apunchic Jesús, ñuca almata pushaiyari» nishpa mañarca.

SAN JUAN 6:44

Ñucata cachac Taita mana pushamucpica, pi ñucapacman mana shamunchu. Chai shamuccunataca tucuri punzhapi causachishami.

SAN LUCAS 23:46

Jesús sinchita caparishpaca: —Taitalla, cambac maquipimi ñuca espirituta mingani— nirca. Shina nishpaca huañurcallami.

ISAÍAS 50:7

Chaica, Mandac Dios ayudacpimi, ñucaca mana pingaichishca carcani. Chaimantami ñucaca ñahuita sinchi rumita shina ruhuashpa, llaquita aparcani. Ñuca mana pingaichishcachu casha.

SALMOS 56:9

Ñuca canta mañai punzhaca ñucata piñaccunaca cutishpa callpangacunami. Dios ñuca ladopi cashcataca yachanitacmi.

1 TESALONICENSES 5:4

Chaimanta Apunchic Jesús shuhuac shina shamushpaca, mana manchachingachu.

SAN LUCAS 10:12

Ñucaca: Taripana punzhapica, Sodoma pueblopi causaccunata yallimi chai pueblopi causaccunaca llaquita apanga.

SAN MATEO 7:22

Taripana punzhapica taucacunami: “Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, milagrocunatapish ruhuarcanchic” ningacuna.

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.

2 TIMOTEO 1:14

Ñucanchicpi causacuc Diospac Espíritu ayudacushcamantaca, Dios mingashca sumac yachanacunataca alli huacaichingui ninimi.

2 TIMOTEO 1:16

Apunchic Jesusca Onesiforotapish, tucui paipac huasi ucupi causaccunatapish mai llaquichun ninimi. Paimi ñuca prezu cacpica, tauca cutin mana pingashpa ñucata ricuc shamushpa cushichic carca.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.