2 SAMUEL 9:13 - Dios Rimashcata Quillcashcami

¹³ Mefi-bosetca jatun mandac-huan micushpa causac cashcamantami Jerusalenpi causarca. Paica ishcai chaquita lisiadomi carca.

2 SAMUEL 9:13 Referans Kwoze

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

2 SAMUEL 9:3

Shina nicpimi, jatun mandac Davidca: —Dios cuyac cashcata ricuchingapac Saulpac huasi ucupuracunaca, ¿manachu maijanllapish saquirishca?— nishpa tapurca. Shina tapucpimi paica: —Jonatanpac shuc churi tiyanracmi. Paica ishcai chaquita lisiadomi— nirca.

2 SAMUEL 9:12

Mefi-bosetca uchilla churi Micaiastami charirca. Sibapac huasipi tucui causaccunami Mefi-bosetta servic carca.

JEREMÍAS 52:33

Carcelpi churarinata llucchishpami, shuctac alli churanata churachirca. Chai punzhamanta pachami Joaquinca paipac tucui causaipi chai llactata jatun mandac-huan punzhanta mizapi micushpa causarca.

2 SAMUEL 4:4

Saulpac churi Jonatanca chaquicuna lisiado Mefi-boset churitami charirca. Mefi-boset churi pichca huatayuc cacpimi, Saulpish, Jonatanpish huañushcami nishpa Jezreel pueblomanta huillaccuna chayarca. Chaimantami paita huiñachic mamapish Mefi-boset huahuataca marcashpa miticushpa callpacurca. Chashna utcashpa callpacushpami, huahuataca urmachirca.

2 SAMUEL 19:27

Ashtahuanpish paimi canta servic ñucataca can jatun mandacpac ñaupapi llullashca. Ashtahuanpish jatun mandacca ángel shinami cangui. Shina cashcamanta cambac ima alli cana cashcata ruhuailla.