2 SAMUEL 8:4 - Dios Rimashcata Quillcashcami

⁴ Davidca chashna macanacushpa, huaranga canchis patsac caballopi montashca ric soldadocunata japishpa, cutin chaquillahuan ric soldadocunataca ishcai chunga huarangatami japirca. Carretacunata aisac caballocunataca chaquicunatami paquirca. Ashtahuanpish patsac carretacunata aisac caballocunallatami saquirca.

2 SAMUEL 8:4 Referans Kwoze

JOSUÉ 11:9

Josueca Mandac Dios mandashca shinallatacmi paicunataca huañuchishpa, caballocunapac chaquicunata paquishpa, carretacunatapish rupachirca.

JOSUÉ 11:6

Shina cacpimi, Mandac Diosca Josuetaca: «Paicunataca ama manchaichu, caya cai horasllatami paicunataca israelcunapac ñaupapi churasha. Canca caballocunapac chaquicunata paquishpa, carretacunatapish rupachingui» nirca.

SALMOS 20:7

Shuctac gentecunaca carretacunapi, caishuccunaca caballocunapimi shunguta churancuna. Ashtahuanpish ñucanchicca, ñucanchicta Mandac Diospimi shunguta churanchic.

1 CRÓNICAS 18:4

Davidca chashna macanacushpami huaranga carretacunata, canchis huaranga caballopi puric soldadocunata, ishcai chunga huaranga chaquillahuan ric soldadocunata japirca. Tucui carretacunata aisac caballocunataca chaqui mucucunatami paquirca. Ashtahuanpish patsac carretacunata aisachunllami caballocunataca saquichirca.

1 REYES 10:26

Salomonca macanacuna carretacunata, caballopi ric soldadocunatami tandachirca. Paica huaranga chuscu patsac carretacunata, caballocunapi ric chunga ishcai huaranga soldadocunatami charirca. Paicunatami maijancunataca macanacuna carretacunata huacaichina pueblocunapi, shuccunataca pai jatun mandacta cuidachunmi Jerusalenpi churarca.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.

GÉNESIS 49:6

Ñuca shungupica cancuna parlanacushcataca mana chasquishachu. Cancunaca yallita piñarishpami, gentecunata huañuchircanguichic. Huagracunatapish piñallamantami chaquita paquinacurcanguichic.