2 SAMUEL 8:11 - Dios Rimashcata Quillcashcami

¹¹ Davidca chaicunatami pai atishca llactacuna cushca impuesto cullquihuan, curihuan Mandac Diospaclla cachun chicanyachirca.

2 SAMUEL 8:11 Referans Kwoze

1 REYES 7:51

Mandac Diospac huasipica jatun mandac Salomón ruhuanata yuyarishcataca chashnami tucui ruhuashpa tucuchirca. Chai quipami Salomonca Diospac cachun, paipac taita David chicanyachishca curita, cullquita, ashtahuan ima charishcacunataca Mandac Diospac huasiman aparca. Chaipimi ima charishcacunata huacaichina ucucunapi churarca.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

1 CRÓNICAS 29:2

Ñucaca tucui fuerzahuanmi Diospac huasita shayachingapacca curimanta imacunata ruhuachunca curita, cullquimanta imacunata ruhuachunca cullquita, broncemanta imacunata ruhuachunca bronceta, fierromanta imacunata ruhuachunca fierrota, caspimanta imacunata ruhuachunca caspita tandachircani. Shinallatac ónice nishca rumicunatapish, sumaimana rumicunatapish, yanga rumicunatapish, tucuilaya color rumicunatapish, mármol rumicunatapish achcatami tandachishcani.

1 CRÓNICAS 18:11

Chaicunatami jatun mandac Davidca Mandac Diospaclla cachun, Edom, Moab, Amón, llactapi causaccunamanta, filisteocunamanta, amalecitacunamanta quichushca curihuan, cullquihuan pacta Diosman curca.

2 SAMUEL 8:10

paipac churi Joramta David Hadad-ezerhuan macanacushpa atishcamanta saludashpa alli nichun cacharca. Chaica, Toipish Hadad-ezerhuan macanacushpalla causacushcamantami Davidta saludachun cacharca. Horamca curimanta, cullquimanta, broncemanta ruhuashca ima charinacunata apashpami rirca.

2 CRÓNICAS 5:1

Chashnami Salomonca Mandac Diospac huasipi tucui ima tiyanacunata ruhuachirca. Chai quipaca paipac taita David Diosman cushpa chicanyachishca ofrendata, curita tucui ima chariccunatami Diospac huasipi chai yalli valishcacunata huacaichina ucupi churarca.