2 SAMUEL 7:22 - Dios Rimashcata Quillcashcami

²² Chaimanta Mandac Dioslla, canca mai alli nishcami cangui. Ñucanchic ringrihuantac uyashca shina, ¿pi shuctac Diostac tiyanyari?

2 SAMUEL 7:22 Referans Kwoze

SALMOS 86:10

Canca sumaimanacunata ruhuac jatun Diosmi cangui. ¡Canllami Diosca cangui!

SALMOS 86:8

Mandac Dioslla, dioscunapurapica can shina Diosca pi mana tiyanchu. Can ruhuashca shinataca pi mana ruhuai pudinchu.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

1 CRÓNICAS 16:25

Mandac Diosca jatunmi. Jatunyachishca canatami can. Ruhuashcalla dioscunata atishpa, manchana Diosmi.

ISAÍAS 45:5

Ñucallami Mandac Diosca cani. Shuctac Diosca mana tiyanchu. Ñucamanta shuctac Diosca mana tiyanchu. Can ñucata mana ricsicpipish, ñucami alli chumbillichic shina sinchiyachircani.

DEUTERONOMIO 3:24

“Mandac Dioslla, canta serviccunaman can jatun cashcata, can poderta charishcata ricuchi callarishcangui. Can shina sumaccunata, jatun mancharinacunata ruhuacca jahua pachapipish, cai pachapipish, ¿pi shuctac Diostac tiyangayari?

1 SAMUEL 2:2

Mandac Dios shina jucha illacca mana tiyanchu. Canmanta ashtahuan shucca mana tiyanchu. Ñucanchic miticuna rumi shina Diosca mana tiyanchu.

SALMOS 89:8

Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.

SALMOS 89:6

¿Pitac jahua pachapica can Mandac Dios-huanca chimbapurai pudinyari? Jahua pachapi causaccunapurapica, ¿pitac Mandac Dios shina jatunca tiyangayari?

SALMOS 96:4

Mandac Diosca jatunmi. Tucuimanta yalli alabana Diosmi. Tucui dioscunamanta yalli manchana Diosmi.

DEUTERONOMIO 4:35

Mandac Dios caicunata ruhuashpaca, pailla Dios cashcata, pi shuctac dios mana tiyashcata ricuchingapacmi ruhuarca.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

SALMOS 48:1

¡Mandac Diosca paipac urcupi tiyac paipaclla pueblopica, yallita alli nishcami cana can!

SALMOS 145:3

Mandac Diosca jatunmi, tucui mashna alabana Diosmi. Pi mana yachai pudipac Diosmi.

SALMOS 135:5

Ñucaca Mandac Dios jatun cashcataca yachanimi. Ñucanchic Diosca tucui dioscunamanta yalli jatunmi.

SALMOS 44:1

Ñuca Dioslla, ñaupa huatacunapi, ñucanchic taitacuna causai punzhacunapi cai tucui allicunata ruhuashcataca ñucanchic ringrihuantacmi uyashcanchic. Chaitaca ñucanchic taitacunami parlarca.

EZEQUIEL 36:22

Chaimanta canca israelcunataca: “Mandac Diosca: Israelcunalla, shuctac llactapica jucha illac ñuca shutitaca yangapimi churarcanguichic. Chaimanta caitaca mana cancunamantachu ruhuagrini. Ashtahuanpish jucha illac ñuca shutimantami ruhuagrini.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

ISAÍAS 40:25

Jucha illac Diosca: «¿Imatatac ñucaman ricchata ruhuai pudinguichic? Mana cashpaca, ¿imahuantac ñucataca chimbapurai pudinguichic?» ninmi.

2 CRÓNICAS 2:5

Ñucanchic Mandac Diosca tucui dioscunata atishpa, jatun Diosmi. Chashna cashcamantami ñuca ruhuasha nicushca huasitaca ashtahuan jatunta ruhuagrini.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

EZEQUIEL 36:32

Mandac Dios ñucami nini: ¡Israelcunalla, caitaca mana cancunamantachu ruhuani! ¡Chaitaca allita yachaichic! ¡Cancuna mana allita ruhuashcamantaca cancunallatac pingarishpa upayaichic!

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ÉXODO 8:10

Shina nicpimi Faraonca: —Cayallata mañashpa cui— nirca. Shina nicpimi Moisesca: —Ñucanchicta Mandac Diosca, pai shina pi shuctac mana tiyashcata yachachunca, can nishca shinallatacmi ruhuanga.

ÉXODO 9:14

Cunanca, tucuilaya llaquicunahuanmi cantapish, can churashca mandaccunatapish, tucui cambac llactapi causaccunatapish yallita llaquichigrini. Chaimantami cai pachapica ñuca shina shuctac Dios mana tiyashcata chayangui.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

DANIEL 2:45

Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.

ÉXODO 8:6

Chaimantami Aaronca tucui Egipto llacta yacucuna jahuata paipac varata chutarca. Shina ruhuacpica, sapocuna yacumanta llucshishpami, tucui Egipto llactapi jundarca.

DEUTERONOMIO 4:39

Mandac Diosca jahua pachapipish, cai pachapipish Diosmi. Chaitaca cancunapac shungupi yuyarichic.

2 SAMUEL 22:32

Shinashpaca ¿Mandac Diospac randi shuctac Dios tiyanchu? ¿Ñucanchic Diospac randi rumi shina shuctac Dios tiyanchu?