2 SAMUEL 6:7 - Dios Rimashcata Quillcashcami

⁷ Chaimantami Mandac Dios nina japiric shina piñarishpa, Uzata chugrichishpa, Arca ladollapitac huañuchirca.

2 SAMUEL 6:7 Referans Kwoze

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.

1 CRÓNICAS 15:13

Utcapica cancuna mana apamushcamanta, shinallatac pai mandashca shina mana ruhuashcamantami ñucanchicta Mandac Diosca llaquichirca» nirca.

1 CRÓNICAS 13:10

Uza runa Arcata japirishcamantami Mandac Diosca nina japiric shina piñarishpa, paitaca llaquichishpa causaita quichurca.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

1 SAMUEL 25:38

Chaimanta chunga punzha quipaca, Mandac Diosllatac anchayachicpimi, Nabalca huañurca.

2 SAMUEL 6:8

Mandac Dios Uzata chashna huañuchishcamantami Davidca yallita llaquirishpa, chai pambataca Pérez-uzata shutichirca. Cunancamanmi chai shutillatac can.

NÚMEROS 1:51

Paicunami ñucahuan tupana huasita maiman apana cacpica pascanga. Maipi shayachina cacpica shayachinga. Chican gentecuna ñucahuan tupana huasiman chayashpaca huañungami.