2 SAMUEL 6:17 - Dios Rimashcata Quillcashcami

¹⁷ Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

2 SAMUEL 6:17 Referans Kwoze

2 CRÓNICAS 1:4

Ashtahuanpish Davidca Diospac Arcataca Quiriat-jearim pueblomantami carpa huasita pai shayachishca allichishca pushtupi churangapac apamushca carca.

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

SALMOS 132:8

Mandac Dioslla, poderyuc Arcandi can samarina pushtuman shamuiyari.

1 REYES 8:5

Shina apamucpica, jatun mandac Salomonpish, paihuan tandanacushca tucui israelcunapish, Diospac Arcata ñaupapimi ovejacunata, huagracunata Diosman cushpa huañuchirca. Chai animalcuna achca cacpimi ima shina mana yupai pudircacuna.

2 CRÓNICAS 5:6

Shina apashpaca jatun mandac Salomonpish, paihuan tandanacushca tucui israelcunapish, chai Arca ñaupapimi ovejacunata, huagracunata Diosman cushpa huañuchirca. Chai huañuchishca animalcuna achca cacpimi, maita mana yupai pudircacuna.

1 CRÓNICAS 16:1

Chashna apamushpami, Diospac Arcataca David ruhuashca carpa huasipi churana cashcapi churarcacuna. Chai quipaca Mandac Dios-huan alli tucungapacmi animalta huañuchishpa, shinallatac tucui rupachishpa Diospac ñaupapi curca.

LEVÍTICO 3:9

Mandac Dios-huan alli tucuna ofrendataca lomo tullu tucurinapi pitishpami chupatapish, chaipi tiyac huiratapish, chunzhulli tapashca huiratapish rupachina can.

1 CRÓNICAS 6:31

Arcata Mandac Diospac huasipi Moisés churashpaca cantaccunatami cantachun churarca.

1 CRÓNICAS 15:3

Davidca, Mandac Diospac Arcata pai acllashca pushtuman apangapacmi tucui israelcunata Jerusalenpi tandachirca.