2 SAMUEL 6:13 - Dios Rimashcata Quillcashcami

¹³ Davidca Diospac Arcata huanduccuna sucta saruita ricpimi shuc huagrata, huira ovejata huañuchirca.

2 SAMUEL 6:13 Referans Kwoze

1 CRÓNICAS 15:15

Levitacunapac huahua huahuacunami Arcataca Mandac Dios Moisesta mandashca shinallatac caspicunapi churashpa huandumurca.

1 REYES 8:5

Shina apamucpica, jatun mandac Salomonpish, paihuan tandanacushca tucui israelcunapish, Diospac Arcata ñaupapimi ovejacunata, huagracunata Diosman cushpa huañuchirca. Chai animalcuna achca cacpimi ima shina mana yupai pudircacuna.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

JOSUÉ 3:3

israelcunataca: «Mandac Dios ari nishca quillcata huacaichina Arcata levita curacuna huandushpa ricpica, cancuna tiyacushcamanta catishpa ringuichic.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

2 CRÓNICAS 5:6

Shina apashpaca jatun mandac Salomonpish, paihuan tandanacushca tucui israelcunapish, chai Arca ñaupapimi ovejacunata, huagracunata Diosman cushpa huañuchirca. Chai huañuchishca animalcuna achca cacpimi, maita mana yupai pudircacuna.

SAN MATEO 22:4

Mana shamusha nicpi, cutinllatac shuctac serviccunata cachashpaca: “Jatun huagracunatapish, shuctac huira animalcunatapish huañuchishpami, jatun micuita ruhuashcani. Ñami tucui allichishca. Bodaman shamuichic nicunmi nigrichic” nishpa cacharca.