2 SAMUEL 6:12 - Dios Rimashcata Quillcashcami

¹² Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.

2 SAMUEL 6:12 Referans Kwoze

1 CRÓNICAS 15:25

Davidpish, israelcunata pushac yuyaccunapish, huaranga huaranga soldadocunata mandaccunapish cushicushpami, Obed-edompac huasimanta Dios ari nishcata huacaichina Arcata apamungapac rircacuna.

SAN MATEO 10:42

Maijanpish ñucata catic, yangalla runaman asha chiri yacuta cucca, Diosmanta japina cashcata japingami. Chaica chashnatacmi canga» nirca.

1 REYES 8:1

Tucuita ruhuashca quipami Salomonca paipac ñaupaman israelcunata pushac yuyaccunata, Israel aillucunata tucui mandaccunata, Israel familiacunata mandaccunata Jerusalenman tandachirca. Paicunataca Mandac Dios ari nishca quillcata huacaichina Arcata Davidpac pueblo Sionmanta apamungapacmi tandachirca

2 SAMUEL 5:7

Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

2 CRÓNICAS 5:2

Salomonca tucui israelcunata pushac yuyaccunata, aillucunata tucui mandaccunata, familiacunata mandaccunatami Arcata Davidpac Sión puebloman apangapac Jerusalenpi tandachirca.

1 REYES 8:3

Israelcunata pushac tucui yuyaccuna shamucpimi, curacunaca Diospac Arcata japircacuna.

1 REYES 8:4

Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

1 CRÓNICAS 15:15

Levitacunapac huahua huahuacunami Arcataca Mandac Dios Moisesta mandashca shinallatac caspicunapi churashpa huandumurca.

1 CRÓNICAS 16:16

Abrahamhuan, Isaac-huan ari nishcataca, mana cungarinchu.

1 CRÓNICAS 26:4

Obed-edompac churicunaca: Puntaca Semaías, quipaca Jozabad, quimsaniquica Joa, chuscuniquica Sacar, pichcaniquica Natanael,

1 CRÓNICAS 26:5

suctaniquica Amiel, canchisniquica Isacar, pusacniquica Peultaimi carca. Chai churicunatami Mandac Diosca Obed-odomman bendiciashca carca.