2 SAMUEL 5:21 - Dios Rimashcata Quillcashcami

²¹ Filisteocuna paicunapac ruhuashcalla dioscunata chaipi shitashpa ricpimi Davidpish, paipac runacunapish aparca.

2 SAMUEL 5:21 Referans Kwoze

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

JEREMÍAS 43:12

Egipto llactapi tiyac dioscunata mañana huasitaca ninata japichishpami rupachinga. Cutin chaipi causaccunataca prezungami. Egipto llactataca shuc michic paipac jahualla churanata chaspic shinami, tucui anchuchinga. Shina ruhuashpami, paica pipish imata mana nishca paipac llactallaman cutinga.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.