2 SAMUEL 4:8 - Dios Rimashcata Quillcashcami

⁸ Is-bosetpac umataca jatun mandac Davidman cungapacmi Hebrón puebloman aparca. Ña chayashpaca: —¡Riqui, canta piñashpa huañuchisha nishpa puric Saulpac churi Is-bosetpac umatami pitishpa, canman cungapac apamunchic! Cunanca Mandac Diosca can jatun mandacta llaquishcamantami Saultapish, paipac huahua huahuacunatapish chashnallatac llaquichishca— nirca.

2 SAMUEL 4:8 Referans Kwoze

1 SAMUEL 25:29

Canta huañuchingapac maijan caticpipish, ñucata mandacpac causaitaca canta Mandac Diospac maquipimi alli causaccunahuan tandachishca. Ashtahuanpish canta piñaccunataca Paillatacmi rumi huaicuta shitac shina tucuchinga.

2 SAMUEL 22:48

Ñucata llaquichishca shinallatac llaquichicmi. Gentecunataca ñucata cazuchunmi, ñuca chaqui ucupi churan.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

SAN MATEO 2:20

«Jatarishpa, huahuata apashpa, mama Mariandi Israel llactaman cuti. Huahuata huañuchishun niccunaca ñami huañushca» nirca.

SALMOS 71:24

Ñucata mana allita ruhuasha niccunata pingaichishpa muspachishcamantami, ñuca calluca can cashcata ruhuac cashcataca punzhanta huillacungalla.

2 SAMUEL 18:31

Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

2 SAMUEL 18:19

Chai quipami Sadocpac churi Ahimaasca: —Ñucanchicta piñaccunapac maquimanta Mandac Dios ima shina cacharichishcata jatun mandacman huillangapac callpagrinimi— nirca.

1 SAMUEL 24:4

Chaipimi Davidpac runacunaca: —Cunan punzhami Mandac Dios: “Canta piñaccunataca cambac maquipimi churasha. Paitaca can imata munashcata ruhuangui” nishcaca pactashca— nirca. Shina nicpimi, Davidca jatarishpa Saulpac jahualla churanata upalla ashata pitirca.

1 SAMUEL 23:15

Davidca paita huañuchingapac Saúl mashcangapac llucshishcata yachashpami, Zif shitashca pambapi cac Hores pamballapitac saquirirca.

1 SAMUEL 20:1

Davidca Ramá pueblopi cac Naiot pambamanta miticushpa Jonatanpacman shamushpaca: —Cambac taita ñucata huañuchisha nichunca, ¿ñucaca imatatac ruhuashcaniyari? ¿Ima mana allitatac ruhuashcaniyari? ¿Mana cashpaca ima juchatatac ruhuashcaniyari?— nirca.

1 SAMUEL 19:15

Shina nicpimi, Saulca paipac runacunataca: «¡Caipi huañuchingapac camandi Davidta apamugrichic!» nishpa cacharca.

1 SAMUEL 18:11

Shina charicushpami Saulca: «¡Lanzahuan shitashpami Davidtaca pirca quingraipi huañuchisha!» nishpami yuyarca. Ashtahuanpish ishcai cutinmi Davidca ladoyarca.

2 SAMUEL 2:8

Shina cacpipish Nerpac churi, Saulpac soldadocunata mandac Abnerca Saulpac churi Is-bosetta Mahanaim puebloman pusharca.

1 SAMUEL 19:1

Saulca paipac churi Jonatantapish, paita serviccunatapish, Davidta huañuchichunmi mandarca. Shina cacpipish Saulpac churi Jonatanca maimi Davidtaca cuyac carca.