2 SAMUEL 4:5 - Dios Rimashcata Quillcashcami

⁵ Beerot pueblomanta Rimonpac churi Recab, Baanami chaupi punzha yallita rupai horas Is-bosetpac huasiman pai micushca quipa sueñucucpi chayarca.

2 SAMUEL 4:5 Referans Kwoze

2 CRÓNICAS 25:27

Mandac Diosmanta Amasías anchurishca punzhamanta pachami paita piñashpa, huañuchingapac Jerusalenpi pacalla parlanacurca. Chaimantami Amasías Laquis pueblopi miticungapac ricpipish, catishpa rishpa huañuchirca.

2 CRÓNICAS 24:25

Chai Siria llactamanta soldadocunaca Joastaca yallita macashpami, ña huañunallata saquirca. Paitaca Joiada curapac churita huañuchishpa, yahuarta jichashcamantami paita serviccunallatac pacalla jatarishpa, paipac camallapitac huañuchirca. Shina huañucpica, Davidpac pueblopimi enterrarca. Ashtahuanpish jatun mandaccunata enterrashca jutcupica mana enterrarcachu.

1 REYES 16:9

Carretacunapi puric chaupi soldadocunata mandac paita servic Zimrimi huañuchingapac shuccunahuan pacalla parlanacurca. Elaca Tirsa pueblopimi paipac mayordomo Arsapac huasipi ubiashpa, machashpa tiyacurca.

2 SAMUEL 11:2

Shuc punzha ña chishiyanatami Davidca camamanta jatarishpa, pai mandana huasi alto pambapi puricushpa shuc huarmi armaricucta ricurca. Chai huarmica alajami carca.

2 SAMUEL 2:8

Shina cacpipish Nerpac churi, Saulpac soldadocunata mandac Abnerca Saulpac churi Is-bosetta Mahanaim puebloman pusharca.

2 CRÓNICAS 33:24

Paitaca, paita serviccunallatacmi pacalla japishpa, paipac huasillapitac huañuchirca.

2 SAMUEL 4:2

Saulpac churica shuhuaccunata pushac ishcai runacunatami charirca. Paicunaca shucca Baaná, shucca Recabmi carca. Paicunaca Benjaminpac aillupuramanta Beerot pueblomanta Rimonpac churicunami carca.